“Telekom-sohaning evolyutsiyasi va texnlogiyalar taraqqiyoti operatorlar oldida oldingi maqsadlarni bekor qilmagan holda yangi ufqlarni ochadi. Bugungi kunda biz butun mamlakat bo‘ylab eksklyuziv ofislarning yangi qatorini ishga tushirishga tayyorlamoqdamiz, bu bizga servisni eng yuqori darajada ushlab turish imkonini beradi. Yaqin kelajakda tarmoqlarni qurish bo‘yicha amaldagi rejalar esa “Bilayn”ning texnologik afzalligini kuchaytiradi, – dedi Abay Kolanov.

Abay Kolanov 1977 yilda Nukusda tug‘ilgan. Nukus kompyuter va axborot texnologiyalari kollejida “Raqamli va analogli yetkazish tizimlari” mutaxassisligi bo‘yicha ta’lim olgan. 1998 yilda Olma-ota Davlat universitetini “Geografiya va ekologiya” fakultetini tamomlagan.

Abayning mehnat faoliyati 1999 yilda “Naytov” O‘zbekiston-Amerika QKda boshlangan. U yerda ikki yil ichida u qo‘llab-quvvatlash xizmati operatoridan boshlab, “Naytov-Nukus” SHK direktori lavozimini egallagan. Uning ma’lumotlarni yetkazish va tarmoqlarni integratsiya qilish xizmatlarini rivojlantirishdagi muvaffaqiyatli tajribasi unga telekomda navbatdagi yuksalishga qadam qo‘yish imkonini berdi: 2003 yilda Abay Kolanov Buzton QKning Nukus filialiga rahbar bo‘ldi, bunda kompaniyaning Qoraqalpog‘istondagi biznesini “noldan” boshladi.

2006 yil iyundan Abay Bilayn-O‘zbekiston tizimida Qoraqalpog‘iston Respublikasi va Xorazm viloyati hududida xizmat ko‘rsatuvchi G‘arbiy hududiy filial direktorii lavozimini egallagan holda faoliyat yuritmoqda. Uning rahbarligi ostida “Bilayn” qisqa vaqt ichida hududiy bozorning yetakchisiga aylandi.

O‘zbekiston telekommunikatsiya tarmog‘ini rivojlantirishga qo‘shgan hissasi uchun Abay Kolanov O‘zbekiston Aloqa va axborotlashtirish agentligining Faxriy yorlig‘i bilan taqdirlangan. Ishdan bo‘sh paytlarida ov qilish va baliq ovi bilan shug‘ullanadi. O‘zbek, qoraqalpoq va qozoq tillarini mukammal egallagan. Oilali, uchta farzandi bor.

Manba: Kompaniya matbuot-ma’lumotnomasi

Respublika ta’lim markazi, Multimedia va umumta’lim dasturlarini rivojlantirish markazi bilan hamkorlikda o‘tkazilayotgan turli loyihalar, anjumanlar, seminarlar o‘quvchilar hamda pedagoglarning kompyuter savodxonligini yanada oshirishda muhim omil bo‘lmoqda. “Eng yaxshi elektron axborot-ta’lim resurslari – 2012” respublika ko‘rik-tanlovi ham ayni maqsadlarga xizmat qilmoqda.

Ko‘rik-tanlovda Qoraqalpog‘iston Respublikasi, viloyatlar va Toshkent shahridan o‘ttizdan ziyod muallif ishtirok etdi. Ular tomonidan topshirilgan ijodiy ishlar asosan o‘quv-intellektual o‘yinlar, bolalarning bilimi va o‘zlashtirishini nazorat qiluvchi dasturlar, ma’rifiy taqdimotlar, elektron qo‘llanmalar, didaktik materiallar, dars jarayoni va maktab boshqaruviga doir avtomatlashtirilgan ishlardan iboratdir.

“Kompyuter o‘quv o‘yinlari, trenajyorlar hamda videoroliklar” yo‘nalishi bo‘yicha birinchi o‘ringa Toshkent shahrining Yunusobod tumanidagi 235-maktabning 9-sinf o‘quvchisi Jahongir Akromov loyiq topildi. “Elektron ma’rifiy dasturlar – elektron qo‘llanmalar, dars ishlanmalari, videoroliklar, didaktik materiallar” yo‘nalishida Namangan viloyati Kosonsoy tumanidagi 13-maktab o‘qituvchisi Rahimjon Fozilov 5-sinfga mo‘ljallangan “Informatika” elektron darsligi bilan birinchi o‘ringa sazovor bo‘ldi. “Nazorat qiluvchi dasturlar, dars jarayoni va maktab boshqaruvini avtomatlashtirish” yo‘nalishi bo‘yicha birinchi o‘rin Buxoro shahridagi 17-maktab o‘qituvchisi Hakim Rustamovga nasib etdi.

Mazkur voqeani sharhlar ekan, Unitelning Mintaqaviy rivojlantirish bo‘yicha direktori Abay Kolanov shunday dedi: “Yangi katta ofis – bu aynan “Bilayn”ning Qoraqalpog‘istonda dinamik rivojlanayotgan biznesi uchun zarur vosita. Endilikda Nukusdagi mutaxassislarimizda bir vaqtning o‘zida yanada ko‘proq abonentlarga xizmat ko‘rsatish, shuningdek korporativ mijozlarga kompleks xizmatlarni taqdim qilish imkoniyati mavjud”.

Yangi ofis Dosnazarov va Turon ko‘chalarining kesishgan joyida joylashgan.

Manba: Kompaniya matbuot-ma’lumotnomasi

Batafsil ma’lumot www.beelineclub.uz va www.sig.uz saytlarida.

Manba: Kompaniya matbuot-ma’lumotnomasi

Prezidentimiz Islom Karimovning 2011 yilning asosiy yakunlari va 2012 yilda O‘zbekistonni ijtimoiy-iqtisodiy rivojlantirishning ustuvor yo‘nalishlariga bag‘ishlangan Vazirlar Mahkamasining majlisidagi ma’ruzasida 2011 yilda mamlakatimizdagi 852 maktabda zamonaviy o‘quv kompyuter sinflari tashkil etilgani alohida qayd etildi.

Istiqlol yillarida mamlakatimiz jahonning eng rivojlangan davlatlari safidan o‘rin egallashi, Vatan taqdiri oldidagi mas’uliyatni astoydil his etishga qodir, kuchli bilimga ega, iqtidorli yoshlarni tarbiyalashning muhim omili sifatida ta’lim tizimini tubdan isloh etish yo‘lida keng ko‘lamli ishlar amalga oshirildi.

“Ta’lim to‘g‘risida”gi qonun hamda Kadrlar tayyorlash milliy dasturiga binoan jahon andozalari talablariga mos, ko‘rkam va zamonaviy maktablarni barpo etish, mavjudlarini rekonstruksiya qilish, kapital va joriy ta’mirlash yuzasidan amalga oshirilgan ulkan ishlar asrlarga tatiydi. Mamlakatimizdagi mavjud o‘n mingga yaqin maktab tanib bo‘lmas darajada o‘zgarib, muhtasham va zamonaviy qiyofa kasb etdi. Bilim maskanlarining moddiy-texnik bazasini mustahkamlash, ularni so‘nggi rusumdagi o‘quv-laboratoriya, kompyuter jihozlari, zarur uskunalar, texnik vositalar bilan ta’minlash doimiy e’tiborda.

Ayni paytda ta’lim mazmunini yanada yaxshilashning asosiy sharti sifatida yangi darslik va o‘quv qo‘llanmalari yaratilib, davr talablari asosida muttasil takomillashtirilmoqda. O‘qitish jarayoniga ilg‘or axborot, pedagogik texnologiyalar jadal joriy etilmoqda. Davlatimiz rahbarining 2005 yil 28 sentabrda qabul qilingan “O‘zbekiston Respublikasining jamoat ta’lim axborot tarmog‘ini tashkil etish to‘g‘risida”gi qaroriga ko‘ra, mamlakatimizda “ZiyoNET” jamoat ta’lim axborot tarmog‘i yaratildi. Maqsad o‘quvchi-yoshlarni axborot sohasidagi noxolis, ma’naviyatimizga zid tahdidlardan himoyalash, ma’rifiy sohadagi ilg‘or ish tajribasini ommalashtirish, bilim maskanlarining o‘zaro hamkorligini kuchaytirishdan iboratdir.

Hozir 9 ming 400 dan ziyod umumta’lim maktabi yoki jami maktablarning 96 foizi ZiyoNet elektron axborot tarmog‘iga ulangan. “ZiyoNET”dan foydalanuvchilar uchun ushbu tarmoqda ta’limning barcha bo‘g‘inlari haqidagi ma’lumotlar, ma’ruza matnlari, ilmiy ishlar, dars ishlanmalari, milliy qonunchilikka oid yangiliklar, o‘quv adabiyotlari va darsliklarning elektron shakli mavjud. Undagi axborot resurslari muntazam ravishda boyitib boriladi. Tarmoqning “Vatan uchun yashaylik” ruknida yoshlarni vatanparvarlik, fidoyilik, eng yaxshi milliy an’analar ruhida tarbiyalashga qaratilgan materiallar, “Mustaqillik darsi” sahifasida o‘qituvchilar tomonidan tayyorlangan ishlanmalar, she’rlar o‘g‘il-qizlarda, ayniqsa, katta qiziqish uyg‘otmoqda.

O‘quv dargohlariga ilg‘or axborot kommunikatsiya texnologiyalarining joriy etilishi o‘qitishni sifat va mazmun jihatidan yanada yaxshilashda, maktab jamoatchiligi, pedagoglar, o‘quvchilar, ota-onalarni ma’rifiy sohalardagi islohotlardan o‘z vaqtida boxabar etishda muhim ahamiyat kasb etmoqda. Ayni paytda bu ta’lim sohasida erishilgan ilg‘or ish tajribasini amaliyotga keng yoyish, samarali ishlanmalar, pedagogik izlanishlar natijasi bilan tanishish, o‘quv adabiyotlari, turli risolalar, ma’ruza matnlari, qo‘shimcha manbalarni ko‘proq o‘zlashtirishda ham qo‘l kelmoqda.

Davlatimiz rahbari tashabbusi bilan O‘zbekiston Xalq ta’limi vazirligi huzurida 2006 yilda tashkil etilgan Multimedia umumta’lim dasturlarini rivojlantirish markazida multimedia vositalari, o‘quv adabiyotlari va qo‘llanmalarining elektron variantlarini yaratish ishlari keng yo‘lga qo‘yildi. Bu ta’lim samaradorligini ko‘tarish, saviyasini yuksaltirish, pedagoglarga qo‘yilayotgan talab va mas’uliyatni yanada kuchaytirish, yoshlarning bilim olishga bo‘lgan qiziqishini oshirishdek ezgu maqsadlarga erishishda yana bir muhim qadam bo‘ldi.

Mazkur markaz bugungi kunda ma’rifiy elektron resurslarni, multimedia ilovalarini ishlab chiqish, ta’lim maskanlarida axborot-kommunikatsiya texnologiyalaridan, kompyuter jihozlaridan va ma’rifiy resurslardan foydalanish samaradorligini o‘rganish, tahlil qilish, umumta’lim maktablari veb-saytlarini yaratishga yaqindan ko‘maklashish borasida izchil ishlar olib bormoqda. Joylardagi xalq ta’limi xodimlarini qayta tayyorlash va malakasini oshirish markaziy institutlarining xodimlari va o‘qituvchilarga mo‘ljallangan axborot-kommunikatsiya texnologiyalariga oid savodxonlik bo‘yicha o‘quv seminarlar, malaka oshirish kurslari muttasil o‘tkazilmoqda.

Markaz mutaxassislari, pedagog olimlar, o‘qituvchilar hamkorligida yaratilgan elektron darsliklar, virtual laboratoriya ishlari, yuzdan ziyod multimedia resurslari – dars ishlanmalari, mavzuga oid matnlar, ko‘rgazmali qo‘llanmalardan iborat elektron materiallar mashg‘ulotlarning o‘qituvchilar tomonidan yanada sifatli va puxta o‘tilishiga xizmat qilmoqda. Endilikda ushbu markazda tayyorlangan elektron darslik va qo‘llanmalar mamlakatimizdagi umumiy o‘rta ta’lim maktablarida keng qo‘llanilmoqda.

Toshkent shahrining Yakkasaroy tumanidagi 127-umumiy o‘rta ta’lim maktabidagi klaster sinfi, zamonaviy axborot-resurs markazi kun davomida o‘quvchilar, pedagoglar bilan gavjum bo‘ladi. Bu yerda “Informatika asoslari” fani bilan birgalikda matematika, biologiya, fizika, o‘zbek tili singari fanlar elektron darsliklar asosida o‘qitiladi. Pedagoglarning ta’kidlashicha, elektron adabiyotlar asosida o‘quv mashg‘ulotlarini o‘tish bolalarda o‘qishga qiziqishni yanada oshiradi, ular mavzularni puxta o‘zlashtiradi. Bunday qo‘llanmalarda rasmlar, jadvallar, turli formulalar, qoidalar rangli, yorqin va yirik hajmda berilishi barobarida kimyoviy, fizik, biologik jarayonlarning qanday kechishi dizayn jihatdan puxta tasvirlangan. Bolalarda ko‘rish orqali muayyan ma’lumotni idrok etish, o‘zlashtirish va yodda saqlab qolish qobiliyati juda kuchli ekani bois elektron darsliklar asosida mashg‘ulotlarning olib borilishi kutilgan natijalarni bermoqda.

– Maktabimizda bir yarim ming nafarga yaqin o‘g‘il-qiz tahsil oladi, – deydi 127-maktab direktori Rafiqa Odilova. – Garchi “Informatika asoslari” fani 5-sinfdan o‘qitilsa-da, 1-sinfdan boshlab maktabimizning barcha o‘quvchilarining bilim olishi, pedagogik jamoaning esa o‘z ustida ishlashi, izlanishi, ishga ijodiy yondashuvi zamonaviy axborot-texnologiyalari bilan chambarchas bog‘liq.

Salkam qirq yillik pedagogik tajribaga ega Rafiqa opaning aytishicha, ta’lim tizimi islohotlari bugun o‘qituvchidan ham, o‘quvchidan ham birdek faollikni talab etadi. Yaratilayotgan keng sharoit va imkoniyatlar bir paytlar orzu edi. Ilgarilari darsliklarning mazmuni ham, ko‘rinishi ham yillab o‘zgarmasdi. O‘qituvchilar doimo bir qolipda dars o‘tishiga to‘g‘ri kelardi. Maktablarning xarob ahvoli, qoloq moddiy baza, o‘qituvchi mehnatining e’tibordan chetda qolgani haqida-ku gapirmasa ham bo‘ladi…

Prezidentimiz Islom Karimov tashabbusi bilan ta’lim sohasida amalga oshirilayotgan ulkan yangilanishlar har jihatdan sog‘lom va barkamol, mustaqil, keng va teran tafakkurli, yuksak ma’naviyatli shaxsni tarbiyalash, Vatanimizni yanada ravnaq toptirishdek ezgu maqsadlarga xizmat qilmoqda. Avvallari farzandlarimizning xalqaro intellektual musobaqalar, olimpiadalar, ko‘rik-tanlovlarda muvaffaqiyat qozonishini orzu qilar edik. Keyingi o‘n yil mobaynida yurtimiz o‘quvchilari xalqaro fan olimpiadalarida munosib ishtirok etib, 150 dan ziyod oltin, kumush va bronza medallarni qo‘lga kiritgani, nufuzli san’at festivallari va tanlovlarida, xalqaro sport musobaqalarida minglab marta sovrinli o‘rinlarni egallagani, oltin, kumush va bronza medal sohibi bo‘lgani ta’lim sohasidagi islohotlarning ulkan samarasidir.

– O‘quvchi-yoshlarni barkamol shaxs etib voyaga yetkazish yo‘lidagi ulkan e’tibor, ayniqsa ilg‘or axborot-kommunikatsiya texnologiyalarining ta’lim tizimiga keng joriy etilishi o‘quvchilarning o‘zlashtirishi, bilim olishga qiziqishi va ishtiyoqining tobora kuchayishida muhim omil bo‘lmoqda, – deydi Mirzo Ulug‘bek tumanidagi 142-maktab direktori Inna Li. – 2009 yilda maktabimiz tubdan kapital ta’mirlandi. Hozir internetda maktabimizning o‘z sayti tashkil etilgan. Shu orqali bugungi shiddatli zamonda ota-onalar, keng jamoatchilikni o‘quv dargohimizning faoliyati, to‘garaklar ishi, o‘qituvchilar jamoasi, dars jadvali haqida yanada kengroq xabardor etish imkoniyati paydo bo‘ldi. Maktab veb-saytining muttasil yangilanishida o‘quvchilar ham o‘z ma’lumotlari bilan faol ishtirok etmoqda. Bunday intilishlar samarasida O‘zbekiston Xalq ta’limi vazirligi, “ZiyoNET” jamoat ta’lim axborot tarmog‘ining ushbu vazirlik tizimidagi bo‘limi, Multimedia umumta’lim dasturlarini rivojlantirish markazi hamkorligida o‘tkazilgan “Yilning eng yaxshi maktab sayti – 2011” respublika tanlovida maktabimiz veb-sayti ikkinchi o‘rinni egalladi.

Har bir mamlakatning nurli kelajagi, taraqqiyoti yoshlarning bilim va tarbiya olishiga bo‘lgan e’tibori, bu yo‘ldagi ezgu sa’y-harakatlari bilan belgilanadi. Shu ma’noda, O‘zbekistonda madaniyat va san’at, sog‘liqni saqlash, ijtimoiy sohalar rivoji bilan birga ta’limdagi hayotbaxsh islohotlar navqiron avlodni har jihatdan barkamol inson etib voyaga yetkazishning ibratli milliy modeli sifatida jahonda tobora keng e’tirof etilmoqda. Bu esa ma’naviyat va ma’rifatning barcha yo‘nalishiga davlatimiz rahbari tomonidan ko‘rsatilayotgan cheksiz mehr va g‘amxo‘rlikka xalqaro miqyosda berilayotgan eng xolis va yuksak bahodir.

Eslatib o‘tamiz, Unitel abonentlari uchun uchun noyob CAMEL-rouming xizmati mavjud, ya’ni $50 li kafolatli to‘lovsiz, abonent balansi $0 ga kelmaguncha har qanday musbat balansda rouming xizmatidan foydalanish mumkin. Hisobdagi mablag‘ esa real vaqtda yechilib boriladi. CAMEL-roumingni aktivlashtirishga hojat yo‘q, chunki u telefonda avtomatik ravishda yoqilgan. Bu xizmat turidan oldindan to‘lash to‘lov tizimida bo‘lgan abonentlar-jismoniy shaxslar, hisobda har qancha musbat qoldiq mavjudligida, foydalanishlari mumkin.

Manba: Kompaniya matbuot-ma’lumotnomasi

– 2009 yili filialimizning yangi binosi qurilib, foydalanishga topshirildi, – deydi Toshkent axborot texnologiyalari universitetining Farg‘ona filiali direktori vazifasini bajaruvchi Fazliddin Polvonov. – Filialda aloqa va axborotlashtirish sohasi uchun malakali kadrlar tayyorlash bo‘yicha barcha zarur shart-sharoitlar yaratilgan. Elektron doskalar bilan jihozlangan, internet tarmog‘iga ulanish tizimlari o‘rnatilgan o‘quv xonalarimizda xorijiy mamlakatlarning nufuzli ilmiy markazlari va universitetlarida ishlab tajriba orttirgan professor-o‘qituvchilar va ilmiy xodimlarning ma’ruzalari bilan tanishish, ular o‘tkazadigan amaliy mashg‘ulotlarda qatnashish mumkin. Shuningdek, axborot-resurs markazi, sport maydoni va zali ham talabalar ixtiyoriga berilgan.

Ta’lim muassasasida masofaviy ta’limni yo‘lga qo‘yish maqsadida o‘tgan yilning yanvar oyida “Huawei Tech Investment Tashkent” mas’uliyati cheklangan jamiyati tomonidan videokonferensiya aloqa terminali o‘rnatildi. Bu qurilma yordamida Toshkent axborot texnologiyalari universiteti va uning filiallari professor-o‘qituvchilarining ma’ruzalarini tinglash, unda filial talabalarining virtual tarzda ishtirok etishini ta’minlash, amaliy mashg‘ulotlarni birgalikda bajarish, ilmiy-amaliy konferensiya, seminar, treninglar, virtual ko‘rgazmalarni hamkorlikda o‘tkazish mumkin. Ayni vaqtda filial professor-o‘qituvchilari va talabalari VPN tarmog‘i orqali xohlagan axborot resurslaridan foydalanish imkoniyatiga ega. Bunday zamonaviy pedagogik texnologiyalarning amaliyotga keng joriy etilayotgani talabalarning jahon ta’lim standartlari asosida tahsil olishiga xizmat qilmoqda.

Bugungi kunning asosiy talablaridan biri har bir ishga tashabbuskorlik bilan yondashishdir. Bu avvalo ilmiy tadqiqot ishlariga, innovatsion loyihalar sohasidagi izlanishlarga tegishli, albatta. Filialda mazkur yo‘nalishda ham salmoqli ishlar olib borilmoqda. Professor-o‘qituvchilar va talabalar hamkorligida ishlab chiqilayotgan innovatsion loyihalar ko‘paymoqda. O‘tgan yili Asilbek Murotaliyev, Feruz Rahimov, Islom Qodirov kabi iste’dodli talabalar “O‘zbekiston madaniyati va san’ati forumi” va “Mehr nuri” jamg‘armalarining ta’lim grantlari hamda stipendiyalar dasturi g‘oliblari bo‘ldi. Toshkent shahrida bo‘lib o‘tgan “Best soft Uzbekistan – 2011” ko‘rgazmasida ham filialda tahsil olayotgan 9 nafar talaba 7 nomdagi dasturiy ta’minot bilan ishtirok etdi.

– Mazkur ko‘rgazmada o‘zim yaratgan “Zaif ko‘ruvchi va zaif eshituvchi o‘quvchilar uchun surdo tarjimasi” dasturi bilan qatnashdim, – deydi Dilnoza Hakimova. – Dasturim mutaxassislar tomonidan yuqori baholandi. Ijodiy ishimga berilgan bunday e’tibor va rag‘bat meni yanada faollikka undamoqda.

Filial axborot texnologiyalari sohasi bo‘yicha malaka oshirish va kadrlarni qayta tayyorlash borasida Farg‘ona vodiysida yagona ilmiy-uslubiy markaz hisoblanadi. Bu yerda “O‘zbekiston pochtasi” ochiq aksiyadorlik jamiyati Farg‘ona, Andijon va Namangan filiallarining tuman va shahar pochta aloqa tarmoqlari bo‘lim boshliqlari va operatorlari uchun kompyuter texnologiyalari va ulardan foydalanish bo‘yicha malaka oshirish kurslari tashkil etilgan. Shu bilan birga, aholi turli qatlamlarining kompyuter savodxonligini oshirishga ham alohida e’tibor qaratilmoqda. O‘tgan yili yozgi ta’til chog‘ida “Bunyodkor – 2011” mehnat otradlarida ishtirok etgan talaba-yoshlar yordamida Namangan, Andijon, Farg‘ona viloyatlarining shahar va tumanlarida yashovchi ikki mingdan ortiq fuqaroning bu boradagi bilim va ko‘nikmalari oshirildi.

Batafsil ma’lumot www.beelineclub.uz saytida.

Manba: Kompaniya matbuot-ma’lumotnomasi

Davra suhbati avvalida e’tirof etilganidеk, O‘zbеkiston Rеspublikasi Prеzidеntining 2011-yil 27-iyunda Matbuot va ommaviy axborot vositalari xodimlariga yo‘llagan tabrigida bugungi kunda axborot olamida Intеrnеt davri kеlgani, intеrnеt-tеlеvidеniya, intеrnеt-radio, elеktron pochta, onlayn-vidеo kabi ko‘plab yangi axborot tarqatish tеxnologiyalari tеz sur’atlar bilan rivojlanib, ularning auditoriyasi va ta’sir doirasi tobora kеngayib borayotganligi alohida ta’kidlangan edi. Shu bilan birga, bugun yon-atrofimizda, uzoq-yaqin mintaqalarda yuz bеrayotgan voqеalarni inobatga oladigan bo‘lsak, hali ongi, hayotiy qarashlari shakllanib ulgurmagan yoshlarni chalg‘itishga qaratilgan g‘arazli kuchlar ham Intеrnеt imkoniyatlaridan o‘z manfaatlari yo‘lida foydalanishga urinayotgani va bunday intilishlarning qanday salbiy oqibatlarga olib kеlishi mumkinligi haqida ogohlantirilgandi. Jamiyatda tinchlik va barqarorlikni izdan chiqarishga, o‘zaro adovat va to‘qnashuvlarga sabab bo‘ladigan bunday xatarlarning oldini olishning bitta yo‘li borligi, ya’ni, yoshlarimizni mustaqil fikrlaydigan, oqni qoradan, do‘stni dushmandan ajratishga qodir bo‘lgan, bizning qanday boy tarix va mеrosga ega ekanimizni anglab yashaydigan, iymon-e’tiqodli, milliy va umuminsoniy qadriyatlar ruhida tarbiya topgan insonlar etib voyaga yеtkazish kеrakligiga alohida urg‘u bеrilgandi.

Shu ma’noda, mazkur tadbirdan ko‘zlangan asosiy maqsad voyaga yеtmaganlarning axborot xavfsizligini ta’minlashga qaratilgan davlat va jamiyat institutlarining faoliyati samaradorligini oshirishga oid aniq takliflarni ishlab chiqishdan iborat bo‘ldi.

Tadbirda so‘zga chiqqan Oliy Majlis Qonunchilik palatasi dеputatlari, axborot sohasidagi ekspеrtlar va mutaxassislar yoshlarni salbiy xaraktеrga ega bo‘lgan axborotlardan himoyalash tizimini tashkil etishning muhim institutsional mеxanizmi sifatida milliy qonunchiligimizda tеgishli huquqiy bazani shakllantirish va uni mustahkamlash zaruratini bugungi tеzkor davrning o‘zi taqozo etayotganini qayd etdilar.

Shu ma’noda “Milliy tiklanish” dеmokratik partiyasi fraksiyasining bir guruh dеputatlari tomonidan bolalarni zararli axborotlardan muhofaza qilinishini ta’minlashga qaratilgan “Voyaga yеtmaganlarning axborot xavfsizligi to‘g‘risida”gi qonun loyihasi ishlab chiqilayotgani e’tiborga loyiq.

Qonun loyihasini tayyorlashda BMTning bolalarni zararli axborotlardan himoyalash sohasidagi hujjatlari, jumladan BMT Bosh Assamblеyasining “Voyaga yеtmaganlar uchun xavfsiz bo‘lgan Intеrnеt va onlayn rеsurslarini joriy qilish to‘g‘risida”gi tavsiyanomasi talablari inobatga olingan.

Tadbirda mutaxassislar, huquqshunos va ekspеrtlar ushbu masala yuzasidan o‘z mulohazalarini bayon etib, bugungi globallashuv jarayonlarida axborot olamida qandaydir dеvor o‘rnatib bo‘lmasligi, biroq farzandlarimizni chalg‘itishga, to‘g‘ri yo‘ldan toydirishga qaratilgan tahdidlardan, g‘arazli axborot xurujlaridan himoyalash choralarini ko‘rish dolzarb vazifamiz ekaniga to‘xtalib o‘tdilar.

Davra suhbatida «Milliy tiklanish» dеmokratik partiyasining Qonunchilik palatasidagi fraksiyasi a’zolari tomonidan tayyorlanayotgan “Voyaga yеtmaganlarning axborot xavfsizligi to‘g‘risida”gi qonun loyihasini takomillashtirish bo‘yicha dеputatlar, huquqshunoslar, mutasaddi vazirlik, idora va tashkilotlar ekspеrtlaridan iborat ishchi guruhi tuzish hamda bu boradagi ishlarni izchil davom ettirishga kеlishib olindi. Shu bilan birga, yoshlarni salbiy ta’sir o‘tkazuvchi ma’lumotlardan muhofaza qilish bilan shug‘ullanuvchi vakolatli organlar va o‘quv-tarbiya muassasalarining faoliyati samaradorligini oshirish yuzasidan qator taklif va tavsiyalar ishlab chiqildi.

Manba: http://parliament.gov.uz/uz/events/other/5179

Bonusli SMSlarning amal qilish muddati – 3 kun. Ko‘rsatilgan summada hisob qayta to‘ldirilganida bonusli xabarlar birlashtiriladi, ularning amal qilish muddati esa oxirgi to‘ldirilgan paytdan boshlab yana 3 kunga uzaytiriladi. Bepul SMS qoldig‘ini *105# USSD-so‘rovi yordamida tekshirish mumkin.

Aksiya “Xit” seriyali tariflardan tashqari hisob-kitobning oldindan to‘lov tizimidagi barcha tariflarida amal qiladi. Batafsil ma’lumot www.beeline.uz saytida.

Manba: Kompaniya matbuot-ma’lumotnomasi