8 mart Xalqaro xotin-qizlar kuni munosabati bilan Aloqa, axborotlashtirish va telekommunikatsiya texnologiyalari sohasida nazorat bo‘yicha davlat inspeksiyasida bayram tadbiri o‘tkazildi. Ushbu tadbir Inspeksiya rahbariyati, kasaba uyushmasi qo‘mitasi hamda xotin-qizlar kengashi tomonidan tashkil etildi. Tadbirda Inspeksiya rahbariyati va xodimlari barcha xotin-qizlarni bayram bilan tabriklab, ularga gul va sovg‘alar ulashildi.
Toshkent shahridagi Inha universitetida (IUT) hamma darslar ingliz tilida olib boriladi va abituriyentlar o‘zlarining ingliz tili bo‘yicha bilim darajalarini tasdiqlashlari uchun IELTS yoki TOEFL sertifikatini taqdim etishlari lozim.
Toshkent axborot texnologiyalari universiteti qoshidagi “Elektron hukumat” o‘quv Markazida axborot xavfsizligini ta’minlashning turli yo‘nalishlariga bag‘ishlangan mavzularda o‘quv kurslari tashkil etildi.
Joriy yilning 26 fevral kuni O‘zbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan Toshkent axborot texnologiyalari universitetida axborot texnologiyalari va kommunikatsiyalari sohasi mutaxassislari uchun bo‘sh ish o‘rinlari yarmarkasitashkil etildi.
2016 yil 26 fevral kuni O‘zbekiston Respublikasi Oliy Majlisi Qonunchilik palatasining Axborot va kommunikatsiya texnologiyalari masalalari qo‘mitasi O‘zbekiston Respublikasi Axborot texnologiyalari va kommunikatsiyalarini rivojlantirish vazirligi bilan hamkorlikda “Elektron hukumat sohasidagi vakolatli organ faoliyatini tashkil etishning dolzarb masalalari” mavzusida seminar o‘tkazilishi tashkillashtirildi.
«O‘zbektelekom» AK «Telekommunikatsiya va personalni rivojlantirish markazi» (TvaPRM) filialida joriy yilning 22 martidan 29 martigacha «Lokal tarmoq xavfsizligini ta’minlash va boshqarish. Windows Server 2008R2/2012R2 operatsion tizimini ma’muriylashtirish asoslari» dasturi bo‘yicha o‘quv kursi tashkil qilinmoqda. Ushbu o‘quv kursida «BKM», «BRM» va «TTT» filiallaridan 2 nafardan, «TvaPRM», «TShTT», Toshkent, Namangan va Sirdaryo filiallaridan 1 nafardan lokal tarmoq administratorlari ishtirok etishi rejalashtirilgan.
Ma’lumki, O‘zbekiston Respublikasi Vazirlar Mahkamasining 2016-yil 21-yanvardagi 15-sonli bayoniga muvofiq yuksak ma’naviyatli, mustaqil fikrlovchi, qat’iy hayotiy pozitsiya, keng dunyoqarash va chuqur bilimlarga ega bo‘lgan vatanparvar yoshlarni tarbiyalash, ularda turli mafkuraviy tahdidlarga qarshi immunitetni shakllantirishga qaratilgan «e-yoshlar.uz» internet tanlovini o‘tkazish belgilangan edi. Joriy yilning fevral oyidan boshlab, www.e-yoshlar.uz veb-saytida tanlov e’lon qilindi. Tanlov shartlari bilan http://e-yoshlar.uz/uz/page/view?alias=about sayti orqali batafsil tanishish mumkin.
Prezidentimiz Islom Karimovning taklifi bilan 2016-yil mamlakatimizda Sog‘lom ona va bola yili deb e’lon qilindi
“Sog‘lom avlodni tarbiyalash – buyuk davlat poydevorini, farovon hayot asosini qurish deganidir”. Davlatimiz rahbarining 1994-yil 2-may kuni O‘zbekistonning birinchi davlat mukofoti – “Sog‘lom avlod uchun” ordenini topshirish marosimida aytgan ushbu teran ma’noli so‘zlari onalik va bolalikni muhofaza qilish, aholi salomatligini mustahkamlash, yosh avlodni ma’naviy va jismoniy tarbiyalash, ularda Vatanga muhabbat tuyg‘usini shakllantirishda asosiy yo‘nalishni belgilab berdi.
2016-yil 18-fevral kuni “Elektron hukumat” (http://egovernment.uz) tizimini takomillashtirish markazida Osiyo Taraqqiyot Bankining (OTB) texnik ko‘magi asosida tatbiq etilayotgan “Samarali davlat boshqaruvi uchun e-hukumat” loyihasi doirasida tashkillashtirilgan Ishchi guruhining birinchi yig‘ilishi bo‘lib o‘tdi. Loyihaning asosiy maqsadi biznes jarayonlarni takomillashtirish va biznes faoliyatini ro‘yxatga olish, mulkni ro‘yxatga olish hamda davlat xaridlari kabi sohalarda interfaol onlayn xizmatlarini yaratishdan iborat.
O‘zbekiston milliy universiteti qoshidagi Matematika instituti dasturchilari «Eko-monitoring» dasturini ishlab chiqdilar. Mazkur dastur O‘zbekistonning sanoat regionlarida ishlab chiqarish ob’ektlaridan atmosferaga chiqarib tashlanayotgan zaharli zarrachalarni tarqalish jarayonining ekologik holatini monitoring qilish va bashoratlash uchun mo‘ljallangan.