“O‘zkomnazorat” feyk xabarlarga aldanmaslik, kompyuterdagi ma’lumotlarni ishonchli himoya qilishga chaqiradi
22.06.2020
Rukn: Yangiliklar.
Muallif: .

Firibgarlar tamonidan yana bir sxema orqali aldash holatlari kuzatilmoqda, foydalanuvchi internetdan yangiliklarni o‘qib chiqayotgan yoki video tomosha qilayotgan vaqtda brauzerning quyi burchagida kichik ogohlantiruvchi e’lon paydo bo‘ladi.

“O‘zkomnazorat” davlat inspeksiyasi koronavirus infeksiyasining tarqalishi sabab dunyoning ko‘plab mamlakatlarida davom etayotgan karantin davrida firibgarlarning internet, mobil telefon raqamlarga qo‘ng‘iroq qilish, bankomatlar oldida odamlarni aldash orqali va yana boshqa turli yo‘llar bilan odamlarni aldayotgani, elektron hisobdagi mablag‘larni o‘g‘irlayotgani haqida bir necha marta ogohlantirgandi.

Firibgarlar tamonidan yana bir sxema orqali aldash holatlari kuzatilmoqda, foydalanuvchi internetdan yangiliklarni o‘qib chiqayotgan yoki video tomosha qilayotgan vaqtda brauzerning quyi burchagida kichik ogohlantiruvchi e’lon paydo bo‘ladi. Unda kompyuter xavf ostida ekani, texnik nosozlik kuzatilgani, uni bartaraf qilish uchun maxsus dasturni, operatsion tizimni ishlashini muvofiqlashtiruvchi drayverni o‘rnatish zarurligi va maxsus xavolaga o‘tib dasturni yuklash so‘raladi.

Foydalanuvchi ko‘rsatilgan dasturni yuklab olsa va ishga tushirsa firibgarlar kompyuterni virus bilan zararlashiga, undagi ma’lumotlarni ko‘chirib olishiga yoki o‘chirib tashlashiga imkoniyat yaratadi.

Bu kabi vaziyat mobil telefonda ham kuzatilishi mumkin. Ya’ni qurilmaning dasturiy ta’minotini yangilash, aks holda telefon bloklanishi mumkinligi haqida soxta ogohlantirish beriladi. Foydalanuvchi qurilmaga dasturiy ta’minotni yuklayapman deb o‘ylab zararli programmani o‘rnatib olishi mumkin.

“O‘zkomnazorat” davlat inspeksiyasi saytlar ostida chiqadigan yoki elektron pochta orqali keladigan bu kabi e’lonlarga e’tibor qilmaslik, ularni o‘chirib tashlash, shunday xabarlar chiqadigan axborot resurslaridan iloji boricha foydalanmaslik, kompyuter uchun antivirus dasturlarini rasmiy manbalardan olish, yangilash hamda dasturiy ta’minotni muntazam ravishda zararli dasturlardan monitoring qilishni tavsiya etadi.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq