Ayrim xorijiy telekanallarining tarqatilishidagi uzilishlar to‘g‘risida
11.04.2020
Rukn: Yangiliklar.
Muallif: .

2020-yil 11-aprelda soat 04:22 dan “Uzdigital TV”, Kabel televideniye va IP televideniye tarmoqlarida tarqatilayotgan “Perviy kanal”, “Rossiya-1”, NTV, “Zvezda”, “Match TV”, “Karusel”, RU TV, “Muzika-pervogo”, “Muz TV”, ORT HD va TVS (bunda ORT HD va TVS faqatgina “Uzdigital TV” MChJ tarmog‘ida) xorijiy telekanallarning signallari yo‘qolishi kuzatilgan.

Yuzaga kelgan ushbu holat telekanallar signallari qabul qilinadigan, geostatsionar orbitada 85,2 gradus sharqiy uzunlikda joylashgan “Intelsat-15 / Horizons 2” yer sun’iy yo‘ldoshi tizimidagi texnik sabablarga ko‘ra ro‘y bergan.

Hozirgi vaqtga qadar “Uzdigital TV”, Kabel televideniye va IP televideniye tarmoqlarida “Muz TV”, RU TV telekanallari efiri tiklandi.

Shuningdek, “Uzdigital TV” tarmog‘ida “Perviy kanal”, “Zvezda” “Rossiya -1”, NTV telekanallarini tarqatish ham tiklandi.

Boshqa telekanallarni tarqatishni tiklash bo‘yicha ishlar davom ettirilmoqda.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq