Oʻzbekistonda kiber sport boʻyicha onlayn turnir – «Adrenaline Online Cyber Cup» oʻtkaziladi
04.04.2020
Rukn: Kompyuter o‘yinlari.
Muallif: .

2020-yil, 16-apreldan 18-aprelga qadar IT Park va Adrenaline Rush O’zbekiston Respublikasi Axborot texnologiyalari va kommunikatsiyalarini rivojlantirish vazirligi koʻmagida hamkorlikda FIFA и Counter Strike:GO boʻyicha kibersportga oid onlayn turnir tashkil qilmoqda.

Turnir butun jahonga mashhur FACEIT platformasida Qozogʻiston Respublikasi serverlarida boʻlib oʻtadi.

Turnirning birinchi kuni Counter Strike:GO boʻyicha oʻyinlar chorak finalgacha davom etadi, ikkinchi kuni esa bo3 olimpiya tizimi boʻyicha chorak finallardan boshlanadi. Uchinchi kun ishtirokchilarni ikkita Grand final va uchinchi oʻrin uchun ikkita match kutadi.

FIFA matchlari guruhlarga boʻlinadi. Guruhlar tizimi ishtirokchilar soni boʻyicha belgilanadi.

Bundan tashqari, IT Parkʼning rasmiy YouTube kanalida matchlar translatsiyasi ham tashkil qilib boriladi.

Sovrin fondi 60 000 000 soʻmdan iborat!

Sovrinli oʻrinlar quyidagi tartibda taqsimlanadi:

Counter Strike:GO

  1. 25 mln. soʻm
  2. 15 mln. soʻm
  3. 10 mln. soʻm

FIFA

  1. 5 mln. soʻm
  2. 3 mln. soʻm
  3. 2 mln. soʻm

Turnir gʻoliblari sovrinlarni jamoa sardori yoki oʻyinchisiga tegishli debet kartaga mablagʻni oʻtkazish yoʻli bilan olishadi.

Turnirda respublikamizning qaysi burchagida yashashidan qatʼiy nazar, mutlaqo barcha qatnashishi mumkin. Muhimi, ishtirokchi Oʻzbekiston Respublikasi fuqarosi boʻlsa kifoya.

Turnirning markaziy matchlarini Oʻzbekiston kibersport olamida yaxshi tanilgan ekspertlar: Danil “VATKA” va Sergey “Greed” sharhlab boradilar.

Arizalarni qabul qilishning oxirgi sanasi: 2020-yil 14-aprel

Turnirning boshlanish vaqti: 16-aprel,14:00

Registratsiya uchun havola: http://esport.itcenter.uz/

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq