Odamlar uchun texnologiyalar: Huawei dunyoni yanada yaxshiroq qilishga qanday qilib yordam bermoqda
24.01.2020
Rukn: Texnologiya.
Muallif: .

Kompaniya barcha odamlarga teng raqamli imkoniyatlarni taqdim etish niyatida.

Dunyodagi eng yuqori texnologik korporatsiyalardan biri o‘zining ilmiy-texnik salohiyatidan foydalangan holda, global ijtimoiy muammolarni hal qilishda faol ishtirok etishga intilmoqda.

Bunga misollardan biri sifatida, Huawei texnikasi qanday qilib, atrof-muhitni qutqarish uchun kurashda yordam berayotgani haqida Huawei kompaniyasi boshqaruvi raisi o‘rinbosari Ken Xu so‘zlab berdi. Bu yerda gap Rainforest Connection notijorat tashkiloti haqida ketayotgan bo‘lib, uning rahbari Tofer Uayt tropik o‘rmonni saqlab qolish uchun eski Huawei smartfonlaridan foydalanish usulini o‘ylab topdi.

G‘oyaning o‘zi juda oddiy – smartfonlar kichik quyosh batareyalariga ulanadi, keyin esa daraxtlarning yuqori qismiga baland qilib o‘rnatiladi va ularning yordamida Rainforest Connection mutaxassislari sun’iy intellektga asoslangan buluti ilovalar orqali o‘rmondagi tovushlarni real vaqt tartibida kuzatishlari mumkin bo‘ladi. Agar to‘satdan ular motorli arralarning tovushini yoki brakonyerlik bilan bog‘liq harakatga xos tovushlarni eshitib qolishsa, bu haqda darhol huquqni muhofaza qilish organlariga xabar berishlari mumkin bo‘ladi.

Ken Xuning so‘zlariga ko‘ra, Uaytning muammoni hal qilishdagi bunday yondashuvi Huawei kompaniyasida katta taassurot qoldirdi, chunki bu yerda aniq maqsad ko‘rinib turibdi va unga erishish uchun zamonaviy texnologiyalardan foydalanilmoqda.

Xuddi shu kabi, Huawei hozirgi zamonning eng muhim muammolaridan birini hal qilishga, ya’ni turli mamlakatlar va mintaqalardagi odamlar o‘rtasidagi raqamli tafovutni kamaytirishga intilmoqda. Xususan, Huawei faoliyati tufayli dunyo aholisining uchdan bir qismidan ko‘prog‘i, shuningdek nafaqat yirik shaharlarda, balki ilgari raqamli xizmatlardan foydalanish imkoniga ega bo‘lmagan dunyoning eng chekka hududlarida yashovchilar ham raqamli xizmatlarga ulanish imkoniyatiga ega bo‘ldilar.

Buning uchun kompaniya muhandislari an’anaviy uskunalarni ham qayta qurib chiqishdi. Xususan, tayanch stansiyalar hajmi ryukzak hajmiga qadar kichraytirildi, buning yordamida esa, optik tolali kabel o‘tkazish mumkin bo‘lmagan joylarda aloqani yo‘lga qo‘yish imkoniyatiga erishildi.

Biroq, Ken Xuning fikriga ko‘ra, faqatgina foydalanish imkoniyatiga, ya’ni kompyuterlardan, smartfonlardan va internet tarmog‘idan foydalanish imkoniyatiga bor e’tiborni qaratish barcha muammolarni hal qila olmaydi, bunda texnologiyalar yaratadigan qiymatga ham alohida e’tibor qaratish lozim. Shuning uchun, Huawei kompaniyasi tarmoqqa ulanish va foydalanish imkoniyatidan tashqari, odamlar uchun haqiqiy qiymat yaratishga qodir texnologiyalarni keng yoyishga ham e’tibor qaratishga qaror qildi.

Bolalar ko‘z kasalliklariga qarshi kurash

Bolalar oftalmologi Viktoriya Pueyo bilan hamkorlik olib borish orqali Huawei bolalarda uchraydigan ko‘z kasalliklariga tashxis qo‘yishni soddalashtirish uchun o‘zining texnologik imkoniyatlaridan foydalanmoqda. DIVE-Medical startapi bilan birgalikda Huawei muhandislari TrackAI deb nomlangan ilovani ishlab chiqdilar, uning yordamida hatto tibbiy ma’lumotga ega bo‘lmagan holda ham odamlar bolalarning qaysi birida ko‘rish qobiliyati bilan bog‘liq muammoning rivojlanish xavfi borligini o‘z vaqtida aniqlashlari mumkin.

Jahon sog‘liqni saqlash tashkilotining ma’lumotlariga ko‘ra, dunyoda ko‘rish qobiliyatida muammosi bor bolalar soni 19 millionni tashkil etadi. Ularning ko‘pchiligida kasallik tufayli ko‘rish qobiliyatini butunlay yo‘qotish xavfi bor.

Ko‘p hollarda kasalliklarni o‘z vaqtida aniqlash bilan davolash mumkin bo‘lsa ham, odatda bolalar shifokorlarning savollariga to‘laqonli javob bera olmasligini hisobga olib, to‘g‘ri tashxis qo‘yish juda qiyin bo‘ladi. Shuning uchun, Huawei kompaniyasi bunday kasalliklarga tashxis qo‘yish jarayonini maksimal darajada soddalashtirishga intilmoqda.

Shunday qilib, TrackAI ilovasi Huawei smartfonlaridagi sun’iy intellekt chiplar asosida ishlaydi va bolalarning ko‘zlari harakatlanayotgan narsalarga qanday ta’sirlanayotganini kuzatadi. Ushbu ma’lumotlardan foydalanib, hatto olti oylik bolalarda ham ko‘rish qobiliyatini buzilishi bo‘yicha tashxis qo‘yish mumkin bo‘ladi. Shu bilan birga, qurilmaning o‘zi portativ, ya’ni bir joydan boshqasiga ko‘chirishga qulay, shuningdek barcha ma’lumotlar bilan smartfonda ishlanadi, uning narxi boshqa turdagi qimmatbaho tibbiy jihozlarning narxidan ancha past.

Raqamli ko‘nikmalar darajasini oshirish

Yana bir muhim muammo – bu odamlarda raqamli ko‘nikmalarning yetishmasligi bo‘lib, bu muammo hatto sanoati rivojlangan mamlakatlarda ham uchraydi. Yevropa komissiyasi tomonidan o‘tkazilgan so‘rov natijalariga ko‘ra, Yevropa Ittifoqi mamlakatlari fuqarolarining 43 foizi hatto asosiy raqamli vazifalarni, masalan, Internetda kerakli ma’lumotlarni topish kabi ishlarni ham bajara olmaydilar. Bu borada, Yevropa Komissiyasi ushbu muammoni maxsus dasturlarni joriy qilish orqali hal qilmoqda va Huawei ushbu tajribani boshqa hududlarga ham yoyishga intilmoqda.

Xususan, Huawei kompaniyasi Keniyada Belgiyaning Close the Gap notijorat tashkiloti, UNESCO va Safaricom bilan hamkorlik qilmoqda va bu hamkorlik asosida ular 40 futli po‘lat konteynerlarni ko‘chma kompyuter sinflariga – Digitrucks’ga aylantirmoqdalar.

Digitrucks standart ravishda stollar, raqamli gadjetlar bilan jihozlanadi va Internet tarmog‘iga simsiz keng tarmoqli ulanadi. Ushbu ko‘chma kompyuter sinflarining elektr energiyasi manbai sifatida quyosh panellaridan foydalaniladi, bu esa hatto eng chekka qishloqlarda ham raqamli bilimlarni o‘rganish imkonini beradi. Huawei 2020-yilda birgina Keniyaning o‘zida kamida 6000 nafar yosh talabani va 1000 nafar o‘qituvchini o‘qitishni rejalashtirmoqa.

Raqamli dunyoni yanada inklyuzivlashtirish

Huawei kompaniyasining yana bir tashabbusi TECH4ALL deb nomlangan dastur bo‘ldi. Ushbu dastur doirasida kompaniya raqamli tafovutni kamaytirish, turli jamoalar uchun yangi dasturiy ilovalarni ishlab chiqish va raqamli texnologiyalar bilan ishlash ko‘nikmalarini tarqatish uchun ko‘plab tashkilotlar bilan hamkorlik qiladi.

Loyihaning asosiy maqsadi – har qanday odamga raqamli texnologiyalardan foydalanish imkoniyatini taqdim etish, ushbu texnologiyalarni har bir uyda va har bir tashkilotda joriy etish, shu tariqa bitta tarmoqqa ulangan “aqlli” qurilmalar dunyosini yaratishdir. Umumiy hisobda, Huawei ushbu tashabbusni olib borishi natijasida, keyingi besh yil ichida yana kamida 500 million kishiga raqamli texnologiyalardan foydalanish imkoniyatiga ega bo‘lishi uchun yordam berishni rejalashtirmoqda.

Ular nafaqat tarmoqqa ulana olishlari, balki sun’iy intellekt, bulutli ombor va aqlli qurilmalar kabi texnologiyalarning imkoniyatlaridan ham foydalanishlari mumkin bo‘ladi.

“TECH4ALL yanada ko‘proq odamlar, uy xo‘jaliklari va tashkilotlar uchun ajoyib raqamli dunyoga eshik ochib berishga intilmoqda. Biz aholining ijtimoiy zaif guruhlarini himoya qilishni va oddiy odamlarni keng imkoniyatli odamlarga aylantirishni xohlaymiz. Texnologiyaning o‘ziga xos ahamiyati ham shundadir”, – deb ta’kidladi, Ken Xu.

Shu bilan bir qatorda, Huawei fikriga ko‘ra, garchi u juda katta kompaniya bo‘lsa-da, bu maqsadlarga erishish uchun birgina kompaniyaning harakati kamlik qiladi, buning uchun barcha manfaatdor tomonlar o‘zaro birgalikda harakat qilishlari zarur. “Biz faqatgina birinchi kichik qadamni qo‘ydik va barcha odamlar va tashkilotlarni bizning tashabbusimizni qo‘llab-quvvatlashga chorlaymiz”, – deb ta’kidladi Huawei boshqaruvi raisi o‘rinbosari.

Manba: kompaniya press-relizi

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq