Oʻzbekiston robototexnika boʻyicha “RoboFest 2020” xalqaro festivalida ishtirok etadi
22.01.2020
Rukn: Yangiliklar.
Muallif: .

Quyi Novgorodda boʻlib oʻtadigan “RoboFest 2020” robototexnika xalqaro festivalida Oʻzbekiston jamoasi ishtirok etadi!

2020-yil 22-23 yanvar kunlari boʻlib oʻtadigan festivalda 70 dan ortiq mamlakatlarning terma jamoalari ishtirok etadi va bu mamlakatlar orasida robototexnika boʻyicha chempion hisoblangan mamlakatlar – Janubiy Koreya, Xitoy va AQSh ham bor.

Robototexnika boʻyicha Oʻzbekiston terma jamoasi aʼzolari: Suxrob Haydarov (IT- Centers murabbiyi), Rashid Rashidov, Bektemir Miroʻktamov, Jafar Orifjonov. Jamoa bosh murabbiyi Ozodbek Xoʻjayev boʻldi.

Musobaqa oʻtkaziladigan yoʻnalishlar quyidagilar:

— “HELLO, ROBOT!” LEGO®;

— “HELLO, ROBOT!” OPEN;

— “Robofest” maktab olimpiadasining mintaqaviy bosqichi;

— AutoNet 14+;

— EcoNet 10+;

— Muhandislik loyihasi;

— FLL, FLL JUNIOR, MTK.

Eslatib oʻtamiz, Suxrob Haydarov robototexnika sohasidagi Navoiy shahridagi IT-Centerʼda 15 yoshli mentor boʻlib, u oʻzining “Aqlli katak” va “Robot Maks” kabi IT-mahsulotlarini yaratganligi bilan tanilgan.

“ROBOFEST” – Yevropadagi eng yirik festival va dunyo boʻyicha eng yirik festivallardan biri boʻlib, u har yili oʻzlarining noyob dasturiy ishlanmalarini namoyish etadigan ilmiy-texnik ijodiyotning 6 yoshdan 30 yoshgacha boʻlgan eng yaxshi ishtirokchilarini toʻplaydi. Bu nafaqat robototexnika musobaqalari, balki taʼlim, oʻyin va koʻngilochar dasturlar: taqdimotlar, master-klasslar, interfaol maʼruzalar uchun ham platformadir. Anʼanaviy festival doirasida biznes-dasturlar, dasturning hamkorlari va resurs markazlari uchun tanlovlar tashkil qilinadi, maktab oʻquvchilari uchun sayohatlar oʻtkaziladi.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq