Uchuvchisiz uchish apparatini yashirincha olib kirishga uringan kimsa to‘xtatib qolindi
20.11.2019
Rukn: Yangiliklar.
Muallif: .

Turli ko‘rinishdagi tovar-moddiy boyliklarining yashirin yo‘llar bilan yurtimizga olib kirilishiga qarshi bojxonachilar samarali kurash olib borishmoqda.

Jumladan, “Dout-ota” chegara bojxona postiga piyoda kirib kelgan fuqaro A.Z. ning xatti-harakatlari bojxonachilar e’tiborini tortdi va ushbu shaxs belgilangan tartibda bojxona ko‘rigidan o‘tkazildi.

Natijada ushbu shaxsning qo‘l yuklari orasida yo‘lovchi bojxona deklaratsiyasida ko‘rsatilmagan va bojxonachilarning og‘zaki so‘rovida ma’lum qilinmagan 1 dona uchuvchisiz uchish apparatini tegishli hujjatlarsiz mamlakatimizga olib kelayotganlini aniqlandi.

Ta’kidlash joizki, O‘zbekiston Respublikasining joriy yil 2-may kuni qabul qilingan “O‘zbekiston Respublikasining Jinoyat, Jinoyat-protsessual kodekslariga hamda O‘zbekiston Respublikasining Ma’muriy javobgarlik to‘g‘risidagi kodeksiga o‘zgartish va qo‘shimchalar kiritish haqida”gi O‘RQ-534-sonli Qonunning 1-moddasiga asosan, O‘zbekiston Respublikasining Jinoyat kodeksi 2444-moddasi bilan to‘ldirilgan bo‘lib, uchuvchisiz uchadigan apparatlarni qonunga xilof ravishda olib kirish, o‘tkazish, olish, saqlash yoki ulardan foydalanish bo‘yicha jinoiy javobgarlik belgilangan. Mazkur Qonunning 1-moddasi 2019-yil 4-noyabrdan amalga kiritildi.

Hozirda mazkur holat bo‘yicha bojxona organlari tomonidan surishtiruv harakatlari olib borilmoqda.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq