HUMO bankomatlari orqali Mastercard kartalaridan naqd pul yechish yo‘lga qo‘yildi
17.10.2019
Rukn: Yangiliklar.
Muallif: .

Milliy banklararo protsessing markazi (MBPM) Mastercard kartalari egalariga mablag‘larini HUMO bankomatlarida milliy valyutada yechib olish joriy etdi. Mablag‘lar Mastercard xalqaro to‘lov tizimi tomonidan belgilangan kurs bo‘yicha yechib olinadi.

«Biz Mastercard bilan barcha texnik ishlarni muvaffaqiyatli yakunlab va bu xalqaro tizimni HUMO bankomatlariga integratsiyalab, endi mamlakatimiz aholisi va mehmonlarida naqd pullarini nafaqat HUMO va VISA kartalaridan, balki Mastercard kartalaridan ham yechib olish imkoniyati borligini xabar qilishdan xursandmiz. Xalqaro kartalardan milliy valyutadagi mablag‘larni bemalol naqd pul shaklida yechib olish – mamlakat qanchalik «tourist-friendly» ekanligining muhim ko‘rsatkichlaridan biri. Keyinchalik biz Visa va Mastercard kartalarining egalari uchun to‘lovlarni HUMO terminal tarmog‘ida qabul qilishni joriy qilish niyatidamiz», – deydi MBPM direktori Shuhratbek Qurbonov.

«Bizning mijozlarimiz uchun bunday imkoniyatning berilishi, so‘zsiz, bizning O‘zbekiston bilan hamkorligimizda oldinga tashlangan muhim qadam hisoblanadi. Naqd pulsiz to‘lovlarni rivojlantirish nafaqat mamlakatdagi turizm sohasini yaxshilashga yordam beradi, balki O‘zbekiston fuqarolari uchun ham qulaylik yaratadi. Biz MBPM bilan shunday samarali hamkorlik qilishdan xursandmiz», – qo‘shimcha qildi Mastercard ning Gruziya va Markaziy Osiyodagi Bosh direktori Igor Stepanov.

Eslatib o‘tamiz, joriy yil 29-avgustdan HUMO bankomatlari Visa xalqaro kartalarini qabul qila boshladi. 500 dan ortiq HUMO bankomatlari HUMO, Visa va Mastercard kartalari egalariga xizmat ko‘rsatishi mumkin. Bankomatdan milliy valyutada naqd mablag‘larni berish uchun komissiya bankning o‘zi tomonidan belgilanadi, kurs esa bevosita karta egasining to‘lov tizimi bilan belgilanadi. HUMO bankomatlari sayyohlar ko‘p bo‘ladigan shaharlardagi yirik diqqatga sazovor joylar, mehmonxonalar, bozorlar yaqinidagi 24/7 punktlarida joylashgan.

Manba: kompaniya press-relizi

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq