Koreya Respublikasi bilan elektron hukumat sohasidagi strategik hamkorlik davom etmoqda
12.04.2019
Rukn: Tadbirlar.
Muallif: .

2019-yil 12-aprel kuni Koreya Respublikasining Axborot jamiyati masalalari bo‘yicha milliy agentligi prezidenti janob Eng Sik Mun boshchiligidagi delegatsiya rasmiy tashrif bilan O‘zbekistonga keldi.

O‘zbekiston Respublikasi Prezidenti huzuridagi Loyiha boshqaruvi milliy agentligida Koreya Respublikasi delegatsiyasining Elektron hukumat va raqamli iqtisodiyot loyihalarini boshqarish markazi vakillari bilan uchrashuvi tashkil etildi.

Ma’lumot uchun: Axborot jamiyati masalalari bo‘yicha milliy agentligi (NIA) – Koreya Respublikasida AKT sohasini yanada rivojlantirish strategiyasini ishlab chiqish va axborot infratuzilmasini yanada rivojlantirish uchun mas’ul bo‘lgan Koreya Respublikasining davlat boshqaruvi va xavfsizligi vazirligining idoraviy mansub tashkiloti hisoblanadi.

Uchrashuv davomida tomonlar Toshkentda may oyida rejalashtirilgan elektron hukumat va raqamli iqtisodiyot sohasidagi hamkorlik bo‘yicha o‘zbek-koreys markazini ochish, Agentlik mutaxasislari uchun qisqa va uzoq muddatli o‘quv kurslarini tashkil etish, O‘zbekiston Respublikasida elektron hukumatni rivojlantirish Konsepsiyasini ishlab chiqish uchun Koreya mutaxassislarini jalb qilish hamda ma’lumotlarni qayta ishlash yagona markazini tashkil etishda o‘zaro ko‘maklashish masalalarini muhokama etdilar.

Shu bilan birga, tomonlar Toshkent shahrida o‘zbek-koreys markazining ochilishiga oid masalalarni muvofiqlashtirish uchun Ishchi guruh tashkil etish to‘g‘risida qo‘shma qaror qabul qildilar.

Muhokamalar yakunida O‘zbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi va Koreya Respublikasining Axborot jamiyati masalalari bo‘yicha milliy agentligi o‘rtasida o‘zaro anglashuv memorandumi imzolandi.

Eslatib o‘tamiz, joriy yilning mart oyida Koreya Respublikasining Davlat boshqaruvi va xavfsizligi vaziri o‘rinbosari janob Yun Djong In boshchiligidagi delegatsiyaning O‘zbekiston Respublikasiga amalga oshirilgan rasmiy tashrifi davomida O‘zbekiston Respublikasi Prezidenti huzuridagi Loyiha boshqaruvi milliy agentligi va Koreya Respublikasi Davlat boshqaruvi va xavfsizligi vazirligi o‘rtasida o‘zaro anglashuv memorandum imzolangan edi.
Memorandumning ustuvor yo‘nalishlari sifatida yangi axborot texnologiyalarini joriy etishda hamkorlik qilish, o‘quv dasturlarini tashkil etish, elektron hukumat sohasida tajriba almashish, qo‘shma tadqiqotlar o‘tkazish hamda O‘zbekistonda yagona ma’lumotlar markazini tashkil etishda ko‘maklashish belgilangan edi.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq