AKT vazirligi delegatsiyasi Janubiy Koreyaning Inha universitetiga tashrif buyurdi
10.04.2019
Rukn: Tadbirlar.
Muallif: .

Toshkent shahridagi Inha universiteti rektori vazifasini bajaruvchi Muzaffar Jalolov va Axborot-kommunikatsiya texnologiyalarini rivojlantirish jamg‘armasi direktori Olim Omonovlardan iborat AKT vazirligining delegatsiyasi Janubiy Koreyaning Inha universitetiga tashrif buyurib, universitet prezidenti janob Myeong Woo Cho bilan uchrashishdi.

Suhbat chog‘ida oliy ta’lim muassasalari o‘rtasida hamkorlikni yanada rivojlantirish istiqbollari, yangi yo‘nalishlar ochish (jumladan, magistratura bo‘yicha) masalalari muhokama qilindi.

Shuningdek, Toshkent shahridagi Inha universiteti rektori v.b. Muzaffar Jalolov universitet faoliyati to‘g‘risida batafsil ma’lumot berdi. Xususan, ta’lim sifatini doimiy oshirib borish, o‘qituvchilar va talabalarning individual va professional salohiyatini yuzaga chiqarish uchun sharoit yaratish masalalariga to‘xtalib, bu universitetning O‘zbekistondagi oliy ta’lim muassasalari orasida yuqori mavqega ega bo‘lishini ta’minlashiga ishonch bildirdi.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq