O`zbekiston Halqaro loyiha boshqaruvi uyushmasiga qo`shildi
31.03.2019
Rukn: Tadbirlar.
Muallif: .

O`zbekiston loyiha boshqaruvi uyushmasi (UPMA) Halqaro loyiha boshqaruvi uyushmasining a’zosi bo`ldi. Bu loyiha boshqaruvi bo`yicha O`zbekistonning mutaxassislariga halqaro darajadagi sertifikatlarni berish imkoniyatini yaratadi.

Shunday qilib, O`zbekiston loyiha boshqaruvi uyushmasi tomonidan beriladigan sertifikatlar butun dunyo bo`yicha haqiqiy deb hisoblanadi.

— O`zbekiston loyiha boshqaruvi uyushmasi o`z taqdimotida biz uchun O`zbekistonning beqiyos potensialini ochib berdi. Mamlakatda ko`plab ijobiy o`zgarishlar ro`y berayapti va O`zbekiston Respublikasi Prezidenti Sh.Mirziyoev tomonidan davlat loyihalarini amalga oshirishda loyiha boshqaruvi tizimi joriy etilishining qo`llab-quvvatlanayotganligi mamlakat iqtisodiyotining jadal suratlar bilan o`sishini ta’minlaydi, — deya ta’kidladi IPMA Prezidenti Hesus Martines Almela.

Halqaro loyiha boshqaruvi uyushmasi (International Project Management Association, IPMA) – 1965-yilda Syurix shahrida (Shveytsariya) tashkil topgan notijorat professional uyushma hisoblanadi va u butun dunyo bo`yicha loyiha boshqaruvi sohasida (Project Management) mutaxassilarni birlashtiradi.

IPMAning asosiy maqsadi butun dunyo miqyosida yaratish va barpo etishga qaratilgan faoliyatning barcha yo`nalishlari bo`yicha mutaxassislar, loyiha guruhlar va tashkilotlar vakillarining loyiha boshqaruvi bo`yicha qobiliyatlarini rivojlantirishga ko`maklashish ham hisoblanadi.

1995-yildan boshlab IPMA loyiha boshqaruvi sohasidagi mutaxassislarni sertifikatlashtirish bo`yicha o`zining 4-pog`onali tizimini rivojlantirib kelayapti. Bugungi kunda IPMA barcha mintaqalardagi loyiha boshqaruvi bo`yicha 70dan ko`proq milliy uyushmalarini birlashtiradi.

O`zbekiston loyiha boshqaruvi uyushmasi (Uzbekistan Project Management Association — UPMA) O`zbekiston Respublikasi Prezidenti huzuridagi Loyiha boshqaruvi Milliy agentligining Abu Rayhon Beruniy nomidagi Respublika biznes va boshqaruv oliy maktabi va Axborot texnologiyalarini ishlab chiqish va joriy qilishni qo`llab-quvvatlash bo`yicha «Mirzo Ulugbek Innovation Center» innovatsiya markazi tomonidan 2019-yilning yanvar oyida tashkil etilgan.

UPMAning missiyasi O`zbekistonda loyihalarning muvaffaqiyatli amalga oshirilishi uchun professional muhit yaratish va loyiha boshqaruvi sohasida yuqori darajali mutaxassislarni tayyorlash hisoblanadi.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq