AKT sohasida Oʻzbekiston-Rossiya hamkorligi mustahkamlanmoqda
12.03.2019
Rukn: Yangiliklar.
Muallif: .

Joriy yilning 28-fevralidan 6-martiga qadar AKT vazirligi va Innovatsion rivojlanish vazirligi vakillaridan iborat Oʻzbekiston Respublikasi delegatsiyasining Rossiya Federatsiyasiga tashrifi amalga oshirildi.

2-martdan 6-martga qadar Moskva shahrida Axborot texnologiyalari va kommunikatsiyalarini rivojlantirish vazirining birinchi oʻrinbosari O. Umarov boshchiligidagi AKT vazirligi delegatsiyasi Rossiyaning tegishli idora, tashkilot va kompaniyalari bilan bir qator uchrashuvlar oʻtkazdi.

Tashrif doirasida Rossiya klasterlari va texnoparklari assotsiatsiyasi, “Skolkovo” IT-klasteri, yetakchi IT-kompaniyalar hamda Rossiya Federatsiyasi Raqamli taraqqiyot, aloqa va ommaviy kommunikatsiyalar vazirligi bilan istiqbolli hamkorlik va sheriklik munosabatlari oʻrnatildi.

AKT vazirligi va Toshkentlagi IT-Park xodimlari uchun “Skolkovo” Biznes-maktabida oʻquvlar tashkil etish, istiqbolli “startap-loyihalarni” rivojlantirish maqsadida IT-Parkka “Skolkovo”ning venchur hamkorlarini jalb etish borasida kelishuvga erishildi.

Tashrif yakunlariga koʻra, AKT vazirligi va Rossiyaning koʻplab sohaga oid tashkilotlari va kompaniyalari oʻrtasida hamkorlik va axborot-kommunikatsiya texnologiyalari yoʻnalishida istiqbolli loyihalarni birgalikda amalga oshirish boʻyicha oʻzaro anglashuv memorandumlari imzolandi.

Rossiya Federatsiyasi Raqamli taraqqiyot, aloqa va ommaviy kommunikatsiyalar vazirligi kelgusida kadrlarni tayyorlash va malakasini oshirish, logistika va pochta aloqasi, raqamli iqtisodiyotni rivojlantirish, raqamli kontentni shakllantirish va boshqa koʻplab yoʻnalishlarda oʻzaro manfaatli hamkorlik qilishga tayyor ekanini maʼlum qildi.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq