Yozgi ta’til davrida Janubiy Koreyaning yetakchi OTMlari bilan hamkorlikda seminar-treninglar tashkil etilmoqda
28.06.2018
Rukn: Коnferensiyalar, seminarlar va taqdimotlar.
Muallif: .

Muhammad al-Xorazmiy nomidagi Toshkent axborot texnologiyalari universitetida Yozgi ta’til davrida Janubiy Koreyadagi yetakchi oliy ta’lim muassasalari bilan hamkorlikda seminar-treninglar tashkil etilmoqda.

Jumladan, 2018-yil 29-iyun — 13-iyul kunlari Koreya milliy transport universiteti (KNUT)ning 10 nafar talaba va 2 nafar professordan tashkil etilgan ko‘ngillilar delegatsiyasining tashrifi kutilmoqda. Ular tomonidan “Mobil ilovalarni yaratish” mavzusida o‘quv-trening kursi tashkil etiladi. Trening kursida universitet talabalari bilan birga Toshkent axborot texnologiyalari kasb-hunar kolleji o‘quvchilari ishtirok etadilar, kurs qatnashchilariga mobil ilovalarni yaratish mavzusidagi bilimlarini oshirishlari bilan bir qatorda, chet el talabalari bilan fikr almashish imkoniyati yaratiladi.

27-iyun — 24-iyul kunlari Janubiy Koreyaning Milliy axborot jamiyati agentligi (NIA) hamkorligida Songyungvan universitetidan 14 nafar talaba va 2 nafar professordan tashkil etilgan ko‘ngillilar delegatsiyasi TATUning Urganch va Nukus filiallariga tashrif buyuradi. Delegatsiya tomonidan “AKT sohasida dasturiy ta’minotlar” mavzusida o‘quv-trening kursini tashkillashtirish ko‘zda tutilgan bo‘lib, ishtirok etgan filiallar talabalarining AKT sohasida dasturiy ta’minotlar yuzasidan bilimlarini yanada oshirish mo‘ljallangan.

9-iyul — 22-iyul kunlari esa Janubiy Koreyaning Yonnam universitetidan 19 nafar talaba va bir professoridan tashkil topgan ko‘ngillilar delegatsiyasi TATU qoshidagi O‘zbekiston-Koreya axborot almashuv markaziga tashrif buyuradi. Ular tomonidan “Kompyuter savodxonligini oshirish va Koreya madaniyati” mavzusida o‘quv-trening kursini tashkillashtirish ko‘zda tutilgan. Shu bilan birga, delegatsiyaning Arirang qariyalar uyiga tashrifi ham tashkil etiladi.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq