Rasmiy xabar: Oliy Majlisda ikkita jamoaviy murojaat ko‘rib chiqilmoqda
05.06.2018
Rukn: Internet.
Muallif: .

O‘zbekiston Respublikasi Parlamentida avtomobillar oynasini qoraytirishga ruxsat berish hamda daraxtlarni muhofaza qilish tizimini isloh qilish haqidagi elektron jamoaviy murojaatlar ko‘rib chiqilmoqda.

Shu yilning aprel va may oylarida “Mening fikrim” (www.meningfikrim.uz) veb-portalida O‘zbekistonda avtomobillar oynasini qoraytirishga ruxsat berish va daraxtlarni muhofaza qilish tizimini isloh qilish haqidagi elektron jamoaviy murojaatlar e’lon qilingan edi. Ushbu murojaatlar qisqa muddat ichida 10 000 dan ziyod ovoz to‘pladi.

Mazkur murojaatlar “Mening fikrim” veb-portali moderatori -O‘zbekiston Respublikasi Oliy Majlisi huzuridagi Qonunchilik muammolari va parlament tadqiqotlari instituti bergan xabariga ko‘ra, ko‘rib chiqish uchun O‘zbekiston Respublikasi Oliy Majlisiga kiritilgan.

Ayni paytda vakolatli davlat organlari tomonidan zarur takliflar shakllantirilmoqda. Murojaatlar bo‘yicha qarorlar tegishliligi bo‘yicha 60 kun muddat ichida e’lon qilinadi. Vakolatli organ qabul qilgan qaror «Mening fikrim» portalida e’lon qilinadi.

Joriy yil 20-aprelda ishga tushirilgan portalda bugungacha jami 45 ta jamoaviy murojaat e’lon qilingan. Ularning 35 tasi Oliy Majlis palatalari, 6 tasi xalq deputatlari viloyat Kengashlari, 4 tasi xalq deputatlari tuman Kengashlariga yo‘naltirilgan. Eng ko‘p murojaatlar qonunchilik va sud-huquq masalalari, ekologiya, fan, ta’lim va uy-joy xo‘jaligi sohalarida berilgan.

Axborot texnologiyalari va kommunikatsiyalarini rivojlantirish vazirligi tomonidan portalning Telegram messenjeridagi botini va mobil ilovasini yaratish rejalashtirilgan. Eslatib o‘tamiz, endi foydalanuvchilar Facebook ijtimoiy tarmog‘idagi sahifalari orqali ham portalda ro‘yxatdan o‘tib, murojaatlarga ovoz berishlari mumkin.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq