Iqtisodiy rivojlantirish bo‘yicha hamkorlik jamg‘armasi AKT sohasi uchun kredit ajratadi
28.03.2018
Rukn: Yangiliklar.
Muallif: .

Vazirlikda Koreya Respublikasining Iqtisodiy rivojlantirish bo‘yicha hamkorlik jamg‘armasi (Economic Development Cooperation Fund (EDCF) delegatsiyasi hamda vazirlik rahbariyati ishtirokida uchrashuv bo‘lib o‘tdi.

Uchrashuvda qayd etilgani kabi, axborot texnologiyalari, yangi texnologiyalarni o‘zlashtirish hamda joriy qilish mamlakat iqtisodiyotini rivojlantiruvchi va barqaror rivojlanish sur’atini ta’minlovchi muhim omillar safiga qo‘shilib bo‘ldi.

Janubiy Koreya hukumati tomonidan 1987 yilda asos solingan Iqtisodiy rivojlantirish bo‘yicha hamkorlik jamg‘armasi ayni paytda ko‘plab rivojlanayotgan mamlakatlar bilan yaqin iqtisodiy aloqalarni yo‘lga qo‘ygan.

Jamg‘armaning faoliyat yo‘nalishi va loyihalarni O‘zbekistonda ham joriy qilish mamlakat iqtisodiyoti va o‘zaro hamkorlikning mustahkamlanishiga xizmat qiladi. Shuni hisobga olib, uchrashuvda tomonlar ikki tomonlama hamkorlik yo‘nalishlarini belgilab oldilar.

Xususan, uchrashuvda Iqtisodiy rivojlantirish bo‘yicha hamkorlik jamg‘armasi O‘zbekistonga yo‘naltiradigan 500 mln AQSh dollari miqdoridagi kredit mablag‘i evaziga amalga oshiriladigan yangi loyihalar muhokama qilindi.

Shunday loyihalardan biri Qoraqalpog‘iston Respublikasi, viloyatlar hamda Toshkent shahrida kovorking markazlarini tashkil qilish tashabbusidir. Bunday markazlarda muntazam ravishda sarmoyador va g‘oya egasi ishtirokida muhokamalar, shuningdek mashg‘ulot va seminarlar o‘tkazish mumkin bo‘ladi.

Uchrashuvda har ikki tomon AKT sohasida istiqbolli loyihalarni hamkorlikda amalga oshirishga tayyor ekanini ma’lum qildilar.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq