Butunjahon banki vakillari bilan uchrashuv
25.01.2018
Rukn: Yangiliklar.
Muallif: .

24 yanvar kuni “Elektron hukumat” tizimini rivojlantirish markazida Butunjahon banki maxsus guruh vakillari bilan uchrashuv bo‘lib o‘tdi. Tashrifning asosiy maqsadi O‘zbekistonda davlat xaridlari tizimini takomillashtirish” joriy texnik yordam loyihasi doirasida elektron davlat xizmatlari bo‘yicha islohotlarni qo‘llab-quvvatlashdir.

Uchrashuvda “Elektron hukumat” tizimini rivojlantirish va «UZINFOCOM» markazlari, shuningdek O‘zbekiston Respublikasi Prezidenti huzuridagi Loyiha boshqaruvi milliy agentligi vakillari ishtirok etishdi.

Uchrashuv davomida mehmonlarga elektron hukumat tizimini joriy etish va rivojlantirish holati, shuningdek “2017-2021 yillarda O‘zbekiston Respublikasini rivojlantirishning beshta ustuvor yo‘nalishlari bo‘yicha Harakatlar strategiyasini amalga oshirish bo‘yicha Dalvat dasturi” haqida batafsil ma’lumot berildi. Bundan tashqari, mehmonlar O‘zbekistonda demokratiyaning yuqori nuqtasi bo‘lishi ko‘zda tutilgan “Mening fikrim” yangi portali tashkil etilishi yuzasidan xabardor qilindi.

Uchrashuv davomida tomonlar elektron davlat xaridlarini amalga oshirish uchun O‘zbekistondagi mavjud infratuzilmalar bo‘yicha masalalarni muhokama etishdi. Xususan, delegatsiya vakillarining elektron davlat xaridlari loyihasini amalga oshirish bo‘yicha barcha savollariga tegishli javoblar berildi.

Uchrashuv yakunida tomonlar elektron davlat xaridlari loyihasi konsepsiyasi Loyiha boshqaruvi milliy agentligi tomonidan ishlab chiqilishiga kelishildi hamda loyihani amalga oshirishda texnik masalalar «UZINFOCOM» markaziga yuklatildi. O‘z navbatida, “Elektron hukumat” markazi elektron davlat xaridlari loyihasini amalga oshirish jarayonida maslahat yordamini taqdim etadi.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq