Butunjahon banki texnologiyalarni qo‘llab-quvvatlashga qiziqish bildirmoqda
10.01.2018
Rukn: Yangiliklar.
Muallif: .

9 yanvar kuni vazirlikda Butunjahon bankining O‘zbekistonda xususiy sektor faoliyatini o‘rganayotgan maxsus guruh vakillari bilan uchrashuv bo‘lib o‘tdi.

Suhbat avvalida mehmonlarga O‘zbekistonda axborot texnologiyalari va kommunikatsiyalarini rivojlantirish yo‘nalishida amalga oshirilayotgan ishlar bilan tanishdilar. Jumladan, xalqaro vakillar e’tiboriga bir muddat avval faoliyatini boshlagan Mirzo Ulug‘bek Innovatsiya markazi hamda rejalari to‘g‘risida ma’lumot berildi.

Butunjahon banki mutaxassislari e’tiboriga Innovatsiya markazi faoliyati doirasida O‘zbekistonga sarmoya kiritish hamda «nou-hau»larni, sarmoyadorlar kapitali uchun qulay ekotizim yaratishga xizmat qiladigan zarur texnologiya, tajriba va ko‘nikmalarni joriy qilish hamda IT-startaplarni qo‘llab-quvvatlash yuzasidan hamkorlik qilish g‘oyasi havola qilindi.

Shu bilan birga, O‘zbekiston tomoni Butunjahon banki bilan mamlakatda «elektron tijorat», «salmoqli ma’lumot» (Big Data), shuningdek axborot-kommunikatsiya texnologiyalarining boshqa zamonaviy tendensiyalarini joriy qilish bo‘yicha taklif bilan chiqdi. Uchrashuvda tomonlar istiqboldagi hamkorlik rejalarini muhokama qildilar.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq