Vazirlikda O‘zbekistonning «Yandeks» bilan hamkorligi muhokama qilindi
07.12.2017
Rukn: Yangiliklar.
Muallif: .

O‘zbekiston Respublikasi Axborot texnologiyalari va kommunikatsiyalarini rivojlantirish vazirligida Rossiyaning «Yandeks» kompaniyasi vakillari bilan uchrashuv bo‘lib o‘tdi.

Uchrashuvda rossiyalik axborot texnologiyalari ekspertlariga O‘zbekistonda sohani rivojlantirish yuzasidan amalga oshirilayotgan yirik loyihalar, xususan «Mirzo Ulugbek Innovation Center» Innovatsiya markazi faoliyati to‘g‘risida ma’lumotlar berildi. Muzokaralarda asosiy e’tibor yosh dasturchilarni tayyorlash yo‘nalishida hamkorlikni yo‘lga qo‘yish masalasiga qaratildi.

Shuningdek, «Yandeks» kompaniyasi vakillari bilan O‘zbekistonda geografik axborot tizimlari, jumladan muayyan hududga oid grafik-tasvir ma’lumotlarini o‘rganish, to‘plash va tahlil qilish tizimlarini yaratish masalasi ham muhokama qilindi.

«Yandeks» — rossiyalik transmilliy kompaniya bo‘lib, Internet tarmog‘ida shu nomdagi qidiruv tizimi, internet-portalllarga egalik qiladi hamda bir necha davlatlarda IT-xizmatlarni ko‘rsatadi. Ayniqsa, Rossiya, Turkiya, Belorussiya va Qozog‘iston axborot texnologiyalari bozorida yuqori o‘ringa ega.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq