Janubiy Koreyada elektron hukumat bo‘yicha global forum bo‘lib o‘tdi
02.11.2017
Rukn: Tadbirlar.
Muallif: .

Koreya Respublikasida elektron hukumatni qurish boshlanganiga ellik yil to‘ldi. Shu munosabat tashkil etilgan xalqaro forumda elektron hukumat barpo etish va texnologiyalarni rivojlantirishda ilg‘or mamlakatlarning davlat xizmatchilari, yetakchi ekspertlar, nufuzli universitetlarning talabalari elektron hukumatning istiqbollarini muhokama qilishdi.

Tadbirning rasmiy qismi Janubiy Koreya yarim asrda bu yo‘nalishda qo‘lga kiritgan yutuqlar, mamlakatdagi yetakchi kompaniyalar tajribasini o‘rganishga bag‘ishlandi.

Global forumda O‘zbekistondan Axborot texnologiyalari va kommunikatsiyalarini rivojlantirish vaziri birinchi o‘rinbosari Olimjon Umarov qatnashib, mamlakatimizda elektron hukumatni rivojlantirish tarixi va uning oldida turgan asosiy vazifalar to‘g‘risida ma’ruza qildi. Xususan, Yagona davlat interaktiv xizmatlari portali (my.gov.uz), “Yagona oyna” tamoyili bo‘yicha aholiga xizmat ko‘rsatuvchi markazlar, normativ-huquqiy hujjatlar muhokamasi portali (regulation.gov.uz), ochiq ma’lumotlar portali (data.gov.uz), O‘zbekiston Respublikasining virtual qabulxonasi (pm.gov.uz), Mirzo Ulug‘bek innovatsiya markazi, Davlat ijro intizomi tizimi (ijro.gov.uz) haqida ma’lumot berdi.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq