Butunjahon banki delegatsiyasi bilan uchrashuv bo‘lib o‘tdi
25.08.2017
Rukn: Tadbirlar, Yangiliklar.
Muallif: .

22 avgust kuni vazirlikda Butunjahon banki shtab-kvartirasi AKT loyihalari katta koordinatori O.Petrov boshchiligidagi delegatsiya vakillari bilan uchrashuv bo‘lib o‘tdi.

Uchrashuv davomida elektron hukumat va raqamli iqtisodiyot sohalaridagi loyihalarni hamkorlikda amalga oshirish istiqbollari ko‘rib chiqildi.

Markaziy va Janubiy Osiyoni yagona raqamli xabga bog‘laydigan va transchegaraviy telekommunikatsiya tarmog‘ini yaratishga qaratilgan «Digital CASA» hududiy loyihasida O‘zbekiston Respublikasining ishtiroki istiqbollariga alohida e’tibor qaratildi. Mazkur loyiha dengizga chiqish imkoni bo‘lmagan mamlakatlarga Internet tarmog‘ini yaxshilashga, shuningdek, ushbu mamlakatlarning tranzit salohiyatini oshirishiga xizmat qilishi kutilmoqda.

Shu bilan birga, vazirlik tomonidan hamkorlikning istiqbolli yo‘nalishlari sifatida Innovatsiya markazida dasturiy mahsulotlar ishlab chiqish, yuqori malakali IT-mutaxassislar tayyorlash, pochta sohasini rivojlantirish kabi takliflar berildi.

Uchrashuv yakuniga ko‘ra tomonlar Butunjahon banki salohiyatidan maksimal foydalangan holda, O‘zbekiston Respublikasining rivojlanish istiqbollaridan kelib chiqib, raqamli iqtisodiyot va elektron hukumat loyihalarini ishlab chiqish uchun hamkorlikni davom ettirishga kelishib olishdi.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
Odnoklassnikiga yubormoq
VKontakteda bo`lishmoq