Rossiyada «aqlli» svetofor ishlab chiqildi
04.08.2017
Rukn: Texnologiya, Yangiliklar.
Muallif: .

«Shvabe» xoldingi Yekaterinburgda o‘tkazilgan INNOPROM-2017 Xalqaro sanoat ko‘rgazmasida «aqlli shahar» uchun innovatsion svetoforni namoyish etdi.

Yangilikning asosiy xususiyati integratsiyalangan kamera bo‘lib hisoblanadi. U 360 daraja burchak ostida ishlab, aylana manzarani ta’minlaydi. Yo‘l xizmatining videosuratga olish funksiyasi evaziga olisdagi shahar chorrahalaridagi yo‘l xavfsizligini nazorat qilish xizmatini amalga oshiradi. Monitoring uchun mobil qurilmalar — smartfon va planshetlardan foydalanilishi mumkin. Smart-svetoforlar «Aqlli shahar» loyihasi doirasida yaratilgan. Mahsulot yo‘l harakati qoidalarining buzilishini qayd etishga qodir. Jumladan, tizim yo‘lovchilar yo‘lakchalaridan o‘tish, shu­ningdek, stop-liniya, ruxsat etilmagan joylarda to‘xtash holatlarini qayd etadi.

Ancha ilgari «Roselektronika» va «Shvabe» xoldinglari adaptiv svetofor ishlab chiqarishni rejalashtirganliklarini ma’lum qilganlar, u yo‘llardagi vaziyatlar trafigini optimallashtirish va yaxshi­lashda yordam beradi. Bunday yechimlar yo‘l ma’lumotlari mo­dulini jamlovchi maxsus kontrollerlarga ega. Tizim tabiiy yoritish intensivligi, yo‘l trafigi va boshqa ko‘rsatkichlarni kuzatish imkonini beradi. To‘plangan ma’lumotlar asosida yashildan qizil sig­nalgacha fazalar uzunligi o‘zgaradi, signal yorqinligi boshqariladi, shuningdek, qurilmaning sariq chiroq yonib/o‘chishi rejimi avtomatik ravishda amalga oshiriladi.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq