ARMAT++ tizimida adabiyotlarni ARMga qaytarib topshirish va kutubxona statistikasini yuritish

03.06.2017

Rukn: Sharh va fikr-mulohazalar.

Muallif: Jurnal tahririyati.

Foydalanuvchilar tomonidan ARMdan olingan adabiyotlarni qaytarib olish Kutubxonachining avtomatlashtirilgan ish o‘rni (AIO‘)da bajariladi. Kutubxonachi o‘zining AIO‘da «Adabi­yotlarni qaytarish» punktiga kiradi (1-rasm).

ARMdan olingan adabiyotni qaytarib olish uchun tavsifning chap tomonidagi kvadratchaga sichqoncha bilan belgi qo‘yiladi va «Qabul qilish» tugmasi chertiladi. Natijada quyidagiga ega bo‘lamiz (2-rasm). Agarda qaytarib topshirilayotgan adabiyotlar bir nechta bo‘lsa, topshiri­layotgan adabiyotlar tavsifining chap tomonidagi kvadratchalar­ga sichqoncha bilan belgi qo‘yiladi va «Qabul qilish» tugmasi chertiladi (3-rasm). Shunday qilib, Foydalanuvchi tomonidan ARMdan olin­gan adabiyotlarni qaytarib topshirilish jarayoni amalga oshiriladi.

Kutubxona statistikasini yuritish

ARMAT++ dasturida kutubxona statistikasini yuritish Katalog­lashtiruvchining AIO‘da bajariladi. Buning uchun Kataloglashti­ruvchining AIO‘ni ishga tushiriladi вa «Hisobotlar» punktiga kiriladi (4-rasm). ARM fondi to‘g‘risidagi hisobotni olish uchun «Fond» so‘zining o‘ng tomonidagi «qo‘shuv» plyus belgisiga sichqoncha bilan chertiladi va ARM fondi to‘g‘risidagi statistik ma’lumotlarga ega bo‘linadi (5-rasm). ARMga yil davomida olingan adabiyotlar to‘g‘risidagi hisobotni olish uchun «Yil davomida olingan adabi­yotlar» jumlasining o‘ng tomonidagi «qo‘shuv» plyus belgisiga sich­qoncha bilan chertamiz va kerakli hisobotga ega bo‘lamiz (6-rasm).

Berilgan kitoblar to‘g‘risidagi ma’lumotlar (7-rasm) va bosh­­qa statistik hisobotlar yuqorida ko‘rsatilgandek tashkil etiladi. ARMAT++ dasurida ARMdan o‘qituvchilarning foydalanganligi to‘g‘­risidagi ma’lumotlarni ham olish mumkin. Buning uchun das­tur­ning kataloglashtiruvchining AIO‘dagi «Hisobotlar» bo‘limiga kirib, «O‘qituvchilarga berilgan kitoblar» bo‘limiga o‘tamiz (8-rasm). Natijada ARMdan foydalanayotgan o‘qituvchilarning olgan adabiyotlari to‘g‘risidagi statistik ma’lumotlarga ega bo‘lamiz (9-rasm).

Xulosa qilib aytganda, axborot-kutubxona muassasalaridagi statistik ma’lumotlarni AAKT yordamida tuzish shu tariqa amalga oshi­riladi.

1-rasm. ARMdan olingan adabiyotni qabul qilish

2-rasm. Foydalanuvchi tomonidan olingan adabiyotni qaytarib topshirish

3-rasm. Bir necha adabiyotni qabul qilish.

4-rasm. Kutubxona statistikasi bolimi

5-rasm. ARM fondi to‘g‘risidagi ma’lumotlar

6-rasm. ARMga yil davomida olingan adabiyotlar

7-rasm. Berilgan kitoblar to‘g‘risida hisobot

8-rasm. Hisobotlar bo’limi

9-rasm. 0‘qituvchilarga berilgan kitoblar to‘g‘risidagi statistik ma’lumotlar

Mualliflar: Ulug‘bek Karimov, TATU dotsenti, t.f.n., Shaxzod Ruziyev, TATU magistranti

• « Ma’lumot uzatish tarmoqlari: kecha, bugun, ertaga (I-qism)
• Robot-Robird lochin Kanada aeroportida qushlarni haydashga mo‘ljallangan »