KOICA delegatsiyasi bilan uchrashuv bo‘lib o‘tdi
01.03.2017
Rukn: Tadbirlar.
Muallif: .

28 fevral kuni Axborot texnologiyalari va kommunikatsiyalarini rivojlantirish vazirligida Koreya Xalqaro hamkorlik bo‘yicha agentligi delegatsiyasi bilan uchrashuv bo‘lib o‘tdi. Koreya delegatsiyasi agentlikning yurtimizdagi bo‘linmasi rahbari Im Jong Xi boshchiligida tashrif buyurdi.

KOICA delegatsiyasi yurtimizga Toshkent axborot texnologiyalari universitetida axborot-kommunikatsiya texnologiyalarini joriy qilish orqali innovatsiyalashgan ta’limiy muhitni rivojlantirishga oid loyiha bo‘yicha birlamchi tadqiqotlarni olib borish uchun tashrif buyurgan.

Uchrashuvda axborot texnologiyalari sohasi uchun kadrlar tayyorlash bo‘yicha hamkorlik, jumladan Toshkent axborot texnologiyalari universitetida masofaviy ta’lim va elektron kutubxona tizimlarini tatbiq qilish istiqbollari muhokama qilindi. Qayd etilganidek, TATU hamda KOICA o‘rtasidagi hamkorlikning rivojlanishi O‘zbekistonda xalqaro talablarga mos mutaxassislar tayyorlashdagi navbatdagi muhim qadam bo‘ladi.

Tomonlar ta’limda zamonaviy texnologiyalarni joriy qilish bo‘yicha TATU va KOICA o‘rtasidagi loyihaning dastlabki harakatlanish rejasini tezkorlik bilan ishlab chiqilishini kelishib oldilar.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq