AKT “O‘zbekoziq-ovqatxolding” kompaniyasi tizimida
28.07.2016
Rukn: Sharh va fikr-mulohazalar.
Muallif: Najot Nur.

akt_28_07_2016

Hozirgi davrda axborot texnolo­giya­lari kirib bormagan hech bir soha yo‘q. Mamlakatimizda barcha sohalarda bo‘lgani kabi «O‘zbekoziq-ovqatxol­ding» kompaniyasi tizimida ham axborot-kommunikatsiya texnologiyalari­ni joriy qilish va uni yanada rivojlantirish yo‘nalishida ko‘plab ishlar amalga oshirilmoqda.

O‘zbekiston Respublikasi Prezidentining 2014-yil 3-apreldagi «Iqtisodiyotning real sektoriga axborot-kommunikatsiya texnologiyalarini joriy qilish chora-tadbirlari to‘g‘risida»gi PQ-2158-son Qarori ijrosini ta’minlash maqsadida kompaniyaning aso­siy yo‘nalishlari bo‘yicha ma’lumotlarni yig‘ish, qayta ishlash va saqlash yagona avtomatlashtirilgan tizimi faoliyati yo‘lga qo‘yilgan.

«O‘zbekoziqovqatxolding» kompaniya­ning rasmiy veb-sayti ishini O‘zbekiston Res­publikasi Vazirlar Mahkamasining 2013-yil 31-dekabrdagi 355-son qarori talablariga muvofiq tashkil etish yo‘lida bir qancha ishlar amalga oshirildi. Bugungi kunda uni modernizatsiya qilish ishlari olib boril­moqda. Jismoniy va yuridik shaxslar uchun xolding kompaniyaning rasmiy veb-saytida xoldingga a’zo korxonalar va ular ishlab chiqarayotgan mahsulotlar haqida ma’lu­motlar muntazam ravishda to‘ldirilib, yan­gilab borilmoqda. Xodimlarining AKT sohasidagi malakasini oshirish bo‘yicha maxsus o‘quv dasturi ishlab chiqilgan bo‘lib, ular mazkur jadval asosida turli yo‘nalish­lar bo‘yicha bilim va malakalarini oshirib bormoqdalar.

akt_28_07_2016_1

Bugungi kunda kompaniya Ijro apparatida 50 nafar xodim faoliyat olib boradi va ularning barchalari zamon talablariga mos kompyuterlar bilan ta’minlangan. Barcha kompyuterlar lokal tarmoq va sifatli internet provayder xizmatiga ulangan. Axborot xavfsizligini ta’minlash maqsadida AKTni joriy qilish va rivojlantirish bo‘li­mining belgilangan xodimlari tomonidan doimiy ravishda nazorat ishlari olib bori­ladi.

«O‘zbekoziqovqatxolding» kompaniyasida ish unumdorligini oshirish uchun Elekt­ron hujjat almashinuvi tizimi faoliyati yo‘lga qo‘yilgan. Kompaniya uchun «O‘zinfokom» DUK tomonidan korporativ pochta tizimi joriy qilingan bo‘lib, barcha xodimlar elekt­ron pochta bilan ta’minlangan. Maxsus kom­pyuterlarga himoyalangan E-XAT va E-IJRO elektron pochtalari o‘rnatilgan. Xodimlar­ning barchasi ERI (elektron raqamli imzo) kalitlariga ega.

Ta’kidlash lozimki, bugungi kunda mamlakatimiz oziq-ovqat sanoatida hamda «O‘zbekoziqovqatxolding» kompaniyasi faoliyati doirasida ro‘y berayotgan tadbirlar, seminarlar va boshqa yangiliklar kom­paniyaning rasmiy veb-saytida hamda ijtimoiy tarmoqlaridagi sahifalariga muntazam ravishda joylashtirilib, aholining bu bora­dagi axborotga bo‘lgan ehtiyoji qondirib kelinmoqda. Sohaga oid xabarlardan www.oziq-ovqat.uz elektron manzili va ijtimoiy tarmoqlardagi sahifalar or­qali bo­xabar bo‘lib borish mumkin.

Muallif: Najot Nur, “O‘zbekoziqovqatxolding” kompaniyasi Matbuot xizmati

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq