O‘zbekiston Milliy kutubxonasida “INFOLIB-2015” IV Milliy axborot- kutubxona haftaligiga bag‘ishlangan matbuot anjumani bo‘lib o‘tdi
09.11.2015
Rukn: Sharh va fikr-mulohazalar.
Muallif: .

lib_8_11_2015

2015 yil 5 noyabr kuni O‘zbekiston Milliy kutubxonasida “INFOLIB-2015” IV Milliy axborot- kutubxona haftaligiga bag‘ishlangan matbuot anjumani bo‘lib o‘tdi. Matbuot anjumanida O‘zbekiston Milliy kutubxonasi rahbariyati, kutubxona xizmat rahbarlari va OAV vakillari ishtirok etdilar.

O‘zbekiston Respublikasi Vazirlar Mahkamasining 2015 yil  11 fevraldagi 56-f-sonli farmoyishining 1-ilovasi bilan tasdiqlangan “O‘zbekiston Respublikasida 2015 yilda o‘tkaziladigan xalqaro ilmiy va ilmiy-texnikaviy anjumanlar rejasi” ga asosan Alisher Navoiy nomidagi O‘zbekiston Milliy kutubxonasi manfaatdor vazirlik va idoralar bilan hamkorlikda 2015 yil 9-13 noyabr kunlari “INFOLIB-2015” IV Milliy axborot-kutubxona xaftaligini o‘tkazadi.

Matbuot anjumanida OAV vakillariga “INFOLIB-2015” IV Milliy axborot- kutubxona haftaligi to‘g‘risida ma’lumot berildi. Uning axborot madaniyatini yuqori darajaga ko‘tarish hamda respublika milliy madaniy merosini asrash, mutolaaga bo‘lgan mehrni oshirish, axborot-kutubxona foydalanuvchilariga internet orqali xizmat ko‘rsatish  imkoniyatlarini oshirish, yangi zamonaviy texnologiyalaridan foydalanish kabi ilmiy bilimlarni ommalashtirish; aholining turli qatlamlariga xizmat ko‘rsatishni tashkil etishda kutubxonalarning ijtimoiy-madaniy rolini oshirishdan iborat maqsadi haqida alohida to‘xtab o‘tildi.

lib_8_11_2015_1

Jurnalistlar oldida so‘zga chiqar ekan, O‘zbekiston Milliy kutubxonasi direktori o‘rinbosari A.Ishmatov, “INFOLIB-2015” IV Milliy axborot- kutubxona haftaligida o‘tkaziladigan tadbirlar haqida so‘zlab berdi. “Haftalik doirasida axborot-kutubxona muassasalari mutaxassislari uchun  “Foydalanuvchilarning axborot madaniyatini va media savodxonligini shakllantirishda axborot-kutubxona muassasalarining roli” mavzusida “Betgerxonlik-2015” davra suhbati, “Axborot-kutubxona muassasasining eng yaxshi mutaxassisi-2015” tanlovi kabi kasbga oid tadbirlar bilan bir qatorda taqdimotlar,ijodiy uchrashuvlar, kitob-rasmli ko‘rgazmalar, mahorat darslari, umumta’lim maktablari o‘quvchilari uchun adabiy, kolledj va litsey o‘quvchilari uchun esa musiqiy viktorinalar tashkil etilgan”.

Mazkur haftalikning avvalgilaridan farqi haqidagi savollariga javob berar ekan, O‘zbekiston Milliy kutubxonasi direktori o‘rinbosari U.Teshabaeva unda axborot-kutubxona muassasalari mutaxassislari va boshlang‘ich sinf o‘quvchilari uchun axborot madaniyatini va media savodxonligini shakllantirish bo‘yicha mahorat darslari, O‘zbekiston Milliy kutubxonasi musiqa fondida saqlanuvchi nodir gramplastinkalar ko‘rgazmasi, Fanlar Akademiyasi Asosiy kutubxonasining xorijiy adabiyotlar ko‘rgazmasi,  kutubxona o‘qish zallarida esa «2015 yangi resurslari»  bilan tanishish imkoniyati yaratilganini ta’kidladi. Haftalik davomida jamoat, yoshlar, xalqaro va ijtimoiy tashkilotlar taqdimotlari, xalq amaliy hunarmandchiligi yo‘nalishlari bo‘yicha treninglar va mahorat maktablari, shuningdek, O‘zbekiston Milliy kutubxonasi faoliyati bilan yaqindan tanishtiruvchi mavzuli ekskursiyalar tashkil etilgan.

OAV vakillariga “INFOLIB-2015” IV Milliy axborot- kutubxona haftaligi dasturi taqdim etildi.

“INFOLIB-2015” IV Milliy axborot- kutubxona haftaligi dasturi

9 noyabr

9:00 Ishtirokchilarni ro‘yxatga olish

10:00 – 11:00 O‘zbekiston Milliy simfonik orkestrining chiqishi

INFOLIB-2015 IV Axborot-kutubxona haftaligining tantanali ochilishi

11:00 – 14:00 Betgerxonlik – 2015.  Foydalanuvchilarning axborot madaniyati va mediasavodxonligini shakllantirishda axborot-kutubxona muassasalarining o‘rni

14:00 – 15:30 Akdemik Aziz Qayumov va professor Dinara Azimovaning “Pyateritsa izumleniy” Alisher Navoiyning “Xamsat ul-mutaxayyiriyn”asari badiiy tarjimasining taqdimoti

16:00 – 17:30 San’atshunoslik fanlari nomzodi Nigora Karimovaning “Muqaddima” loyihasi taqdimoti

10 noyabr

10:00 – 16:30 “Axborot-kutubxona muassasasining eng yaxshi mutaxassisi” tanlovi (respublika bosqichi, 1-kun)

11:00 – 13:00 KADATA avtomatlashgan axborot-kutubxona tizimi bo‘yicha trening

17:00 – 18:30 O‘zbekiston davlat konservatoriyasi va O‘zbkistondagi  Italiya elchixonasi musiqa kechasi

11 noyabry

10:00 – 14:00 “Axborot-kutubxona muassasasining eng yaxshi mutaxassisi” tanlovi (respublika bosqichi, 2-kun)

14:00 – 15:30 O‘zbekiston xalq shoiri Xurshid Davron bilan “Yurak, so‘yla abadiyatdan” nomli ijodiy uchrashuv

12:00 – 13:30 Toshkent shahri umumta’lim maktablari o‘quvchilari uchun “Adabiyot bilimdoni” adabiy viktorina

14:30 – 15:30 Toshkent shahri musiqa kollej va litseylari o‘quvchilari uchun “Musiqa bilimdoni” musiqiy viktorina

15:00 – 16:30 Boshlang‘ich sinf o‘quvchilari uchun axborot madaniyati va mediasavodxonlik bo‘yicha mahorat darsi

15:30 – 16:00 “Biz kitobni sevamiz!” mavzusida bolalar rasm tanlovi yakunlari  (Rus madaniyat markazi bilan hamkorlikda)

16:00 – 17:00 “Barkamol avlod” Markazining musiqiy chiqishi

12 noyabr

10:00 – 11:00 AQShda ta’lim: AQSh oliy o‘quv yurtlarida ta’lim olish

10:00 – 11:00 Ingliz tili bilimlari bo‘yicha xalqaro IELTS testlari: amaliy tavsiyalar

11:00 – 12:00 Ingliz tilini o‘rganishda keng tarqalgan xatolar

11:00 – 12:30 Rassom Alisher Aliqulov bilan ijodiy uchrashuv

11:00 – 12:00 Buyuk Britaniyada ta’lim: oliy ta’lim muassasalari va ta’lim tizimi to‘g‘risida ma’lumot

12:00 – 13:00 Xat va insho yozish ko‘nikmalari bo‘yicha trening

14:00 – 15:00 Nemis tilini o‘rganish bo‘yicha amaliy tavsiyalar

15:00 – 16:00 Koreys tili bilimlarini aniqlash bo‘yicha xalqaro TOPIC testi va tanlov

15:00 – 16:30 “Jahon adabiyoti” jurnali jamoasi bilan ijodiy uchrashuv

16:00 – 17:30 Xalqaro musiqiy tanlovlar g‘oliblari Sardor Milano  va Sabina Mustaevalar bilan ijodiy uchrashuv

13 noyabr

10:00 – 11:00 Xalq amaliy san’ati bo‘yicha seminar-trening

12:00 – 13:30 Badiiy o‘ymakorlik bo‘yicha mahorat darsi

14:00 – 15:30 Gilamdo‘zlik bo‘yicha mahorat darsi

14:00 – 15:30 O‘zbekiston xalq artisti Tesha Mo‘minov bilan “Yurak, so‘yla abadiyatdan” nomli ijodiy uchrashuv

14:00 – 15:30 Kashtachilik bo‘yicha mahorat darsi

14:00 – 16:00 Ozarbayjon yozuvchisi Yunus Oguzning “Malika va jodugar” romani taqdimoti

16:00 – 17:00 Milliy madaniy markazlar chiqishlari

17:00 – 17:30 Haftalik yopilishi

PARALLEL TADBIRLAR

  • Kutubxonaning yangi a’zolarini ro‘yxatga olishda lotereya o‘tkazish.
  • O‘zbekistondagi nashriyotlarning yangi adabiyotlari  yarmarkasi.
  • O‘zbekiston Milliy kutubxonasi kitob muzeyida kutubxonaning 145 yilligiga bag‘ishlangan ko‘rgazma.
  • Fanlar Akademiyasi Asosiy kutubxonasining ko‘rgazmasi.
  • «KINAL FASHION HOUSE» modalar uyining xon-atlasdan milliy kiyimlar ko‘rgazmasi.
  • O‘zbekiston Milliy kutubxonasi musiqa fondida saqlanuvchi nodir gramplastinkalar ko‘rgazmasi.
  • Kutubxona bo‘ylab mavzulashtirilgan ekskursiyalar.
  • «Yangi resurslar – 2015»  bilan tanishish imkoniyati.
  • Hujjatli va badiiy filmlar namoyishi.
  • O‘zbekiston Milliy kutubxonasi faoliyatini yorituvchi  prezentatsiyalar va videolavhalar namoyishi.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq