“Unitel” MChJ sharhi
09.06.2015
Rukn: Mobil aloqa.
Muallif: .

Unitel MChJ matbuot-kotibi Rezida Erdman, Aloqa, axborotlashtirish va telekommunikatsion texnologiyalar sohasida nazorat bo‘yicha Davlat inspektsiyasining saytidagi e’longa izoh berar ekan, quyidagini ta’kidlab o‘tdi:

«Beeline’ning O‘zbekiston bozoriga chiqish paytidan boshlab, biz soha nazoratchilari bilan konstruktiv hamkorlikni rivojlantirib kelmoqdamiz, bu esa, o‘z navbatida, kompaniyaning, hamda, umuman olganda, respublikaning telekom-sektorining o‘sishini ta’minlamoqda. Biz, shubhasiz, inspektsiyaga faoliyatimizning muntazam ravishdagi monitoringi va abonent xizmatlarining sifatini ko‘tarishga qaratilgan birgalikdagi xarakatlar uchun juda minnatdormiz. Bu nafaqat kamchiliklarni bartaraf etishga, balki shu bilan birga, bizning jarayonlarimizni takomillashtirishga yordam beradi. Agar www.gis.uz saytidagi 8 iyun kuni chop etilgan e’lon haqida gapiradigan bo‘lsak, bu ohirgi yarim yil davomida bo‘lib o‘tgan bir nechta holatga tegishli. Matnda, legalizatsiyalash muolajasi yakunlanishiga qadar, Qashqadaryoda ishlagan 2 ta asosiy stantsiya haqida gap ketmoqda. Inspektsiyaning bizga o‘z vaqtida qilingan tanbehi sababli, biz tomondan choralar ko‘rilgan, buning natijasida Unitel kompaniyasining ushbu 2 ta asosiy stantsiyasiga 20 mart sanasi ruhsatnomalar berilgan edi, ya’ni ikki yarim oy oldin.

E’lon mualliflari o‘z gaplarida keltirgan, Samarqand viloyatidagi uchta radiorele liniyalari, 4 iyundan bo‘lgan buyruqqa asosan o‘chirildi. Keyin matn bo‘yicha poytahtning Olmazor tumanida 12 fevral kuni sodir bo‘lgan avariya ta’riflanmoqda, uning natijasida tuman yashovchilarining bir qismida soat 11:39 dan 12:27 gacha ovoz xizmatlarining sifati pasaygan. Boshqacha qilib aytganda, jiddiy avariya bizning mutahassislarimiz tomonidan atigi 48 daqiqa davomida bartaraf etildi. Shubhasiz, biz bunday vaziyatlarning umuman vujudga kelmasligi uchun xarakat qilmoqdamiz, va bizning barcha xarakatlarimiz aynan shunga qaratilgan, shunga qaramay, bizning fikrimizcha, kompaniya xodimlari yetarli darajada operativ ravishda ishladilar – jahon tajribasida shunga o‘xshash avariyalarni ikki soatdan kam bo‘lgan vaqtda bartaraf etish yaxshi natija hisoblanadi. Matnda keltirilgan ma’lumotlar, inspektsiyaga kelib tushgan shikoyatlar soni yanvar oyidan may oyigacha ko‘payganidan dalolat beradi, lekin aniq raqamlar keltirilmagan.

Biz Beeline‘ga kelgan rasmiy da‘vo va shikoyatlarning sonini sir tutayotganmiz yo‘q: 2015 yilning yanvar oyidan may oyigacha shikoyatlar soni 50 tani tashkil etdi, bu esa, haqiqatdan ham o’tgan yilgi miqdorga nisbatan sal ko‘proq. Ularning hammasiga javob berilgan, shu bilan birga, bizga call-markaz, ijtimoiy tarmoqlar yoki, masalan, bosh direktorimizning shaxsiy pochtasiga kelib tushadigan so‘roqlarning hammasiga javob beramiz. Umuman olganda, biz iste’molchilar bilan qayta aloqa kanallarini rivojlantirishga jiddiy ahamiyat beramiz va e’tiborimiz har bitta abonent bilan konstruktiv suhbatga qaratilgan.

2006 yildan boshlab biz respublikada milliard dollardan ortiq pul mablag‘ini sarmoya qilganmiz, va biz mijozlarimizning qulayligi uchun tarmoqning rivojlanishiga keyinchalik ham mablag‘larimiz miqdorini ko‘paytirish niyatidamiz. Va biz, bu ishimizda albatta nazorat organining qo‘llab-quvvatlashiga umid bildiramiz, hamda unga yaqin orada kompaniyamiz xarakatlarining batafsil rejasi bilan rasmiy javobni yuboramiz».

Manba: kompaniya press-relizi

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq