O‘zbekiston Milliy kutubxonasida yoshlarning mediasavodxonligini oshirishga qaratilgan davra suhbati bo‘lib o‘tdi
23.03.2015
Rukn: Коnferensiyalar, seminarlar va taqdimotlar.
Muallif: .

mil_23_03_2015

2015 yil 17 mart kuni O‘zbekiston Milliy kutubxonasida Prezidentimiz Islom Karimovning 2005 yil 28 sentyabrdagi “O‘zbekiston Respublikasining jamoat ta’lim axborot tarmog‘ini tashkil etish to‘g‘risida”gi Qaroriga muvofiq tashkil etilgan ZiyoNet jamoat axborot ta’lim tarmog‘ining bugungi kundagi faoliyati” mavzusida yoshlarning media savodxonligini oshirishga qaratilgan turkum tadbirlarning navbatdagisi bo‘lib o‘tdi.

Toshkent axborot texnologiyalari universiteti talabalari bilan bo‘lib o‘tgan galdagi davra suhbatini O‘zbekiston Respublikasi xalq ta’limi Vazirligi qoshidagi ZiyoNet bo‘limi rahbari Gulchehra Ibragimova va Respublika milliy g‘oya va mafkura ilmiy-amaliy markazi bosh mutaxissisi Oybek Musurmonqulovlar olib bordilar.

mil_23_03_2015_1

“ZiyoNet jamoat axborot ta’lim tarmog‘ining bugungi kundagi faoliyati” to‘g‘risidagi suhbatda Gulchehra Ibragimova talabalarga mazkur axborot ta’lim tarmog‘ining shakillanish tafsilotlari va o‘tgan 10 yil mobaynida amalga oshgan ijobiy o‘zgarishlar to‘g‘risida so‘zlab berdi. Shuningdek, G.Ibragimova portalning yangi ko‘rinishi va uning resurslari, sifati va kafolatlari bilan tanishtirdi.

mil_23_03_2015_2

“Bugungi kunda zamonaviy axborot texnologiyalarining ijobiy va salbiy oqibatlari” mavzusidagi suhbatida Oybek Musurmonqulov talabalarga vaximali, ekstremistik va geopolitik xarakterga ega bo‘lgan axborot tahdidlari to‘g‘risida axborot berdi va internet tarmog‘ida tarqatilib, yoshlarning ongiga ta’sir qilish orqali ularni boshqarishni maqsad qilib olgan axborot xuruji, ommaviy madaniyat va media-viruslar haqida gapirib berdi.

Seminar ishtirokchilari “Axborot asrida yoshlar” va “Axborot urushi va “Fleshmob” vositasida mafkuraviy tahdid” mavzularidagi RR-taqdimotlardan va “Internet to‘g‘risida fikrlar” videolavhasi yuzasidan o‘z fikrlarini bildirish imkoniga ega bo‘lganliklaridan mamnun bo‘ldilar.

Manba

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq