“Beeline”dan CAMEL-rouming Vyetnamda kengaymoqda
20.05.2014
Rukn: Mobil aloqa, Yangiliklar.
Muallif: .

Eng yirik aloqa operatori “Beeline” (“Unitel” MChJ va “Buzton” MChJ QK) xalqaro ovozli rouming geografiyasining navbatdagi kengaytirilganligi haqida xabar beradi. Endilikda CAMEL-rouming xizmati Vyetnamdagi Vinaphone hamkorlik tarmog‘ida amal qiladi.

beeline_20_05_2014

“Biz abonentlarimizni innovatsion xizmatlar va sifatli aloqa bilan ta’minlashni davom etmoqdamiz, — deydi “Unitel”ning texnik direktori Denis Kotlyarenko. – Ham mamlakat ichida, ham chet elda “Beeline” abonentlari ish masalasi bo‘yicha yoki shaxsiy qo‘ng‘iroqlarni amalga oshirib, doimo aloqada bo‘ladilar. Bundan tashqari, hamkorlik tarmog‘ining kengayishi doimiy ravishda davom etmoqda”.

Eslatib o‘tamiz, CAMEL-rouming xizmati istalgan musbat balansda, ya’ni abonent balansi $0 ga teng bo‘lguniga qadar $50 kafolatli badalsiz “Beeline” aloqasidan foydalanish imkonini beradi. Bunda hisobdagi mablag‘ real vaqt rejimida yechib olinadi. CAMEL-rouming aktivlashtirishni talab qilmaydi, chunki xizmat telefonda avtomatik tarzda yoqilgan. Xizmatdan oldindan to‘lov tizimidagi tarif rejalaridan foydalanuvchi abonentlar — jismoniy shaxslar hisoblarida istalgan musbat qoldiq bo‘lganida foydalanishlari mumkin.

Manba: kompaniya press-relizi

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq