“Bilayn” abonentlari ijtimoiy tarmoqlarda so‘raydilar…

“Bilayn”ning ijtimoiy tarmoqlardagi korporativ sahifalari anchadan beri keng ommalashgan, biroq oxirgi uch hafta ichida Facebook, “Odnoklassniki” va Twitter saytlarida Beeline Uzbekistan sahifalarida katta shov-shuv ko‘tarilgan: minglab yangi va eski abonentlar savollar bermoqda va taassurotlar bilan bo‘lishmoqdalar. Qaysi murojaatlar ijtimoiy tarmoqlarda yetakchilik qilayotganligi haqida biz Unitelning Jamoatchilik bilan aloqalar xizmati rahbari Oraz Abdurazakovdan so‘radik.

– “Bilayn” sahifalari foydalanuvchisining profili oxirgi kunlarda ko‘p o‘zgardimi?
– Yo‘q, men bunday deb o‘ylamayman. Beeline Uzbekistanning ijtimoiy tarmoqlardagi hamjamiyatida brendning eski muxlislari va faol ishtirokchilaridan iborat mustahkam yadro mavjud, shuning uchun yangilarining oqimi unga unchalik ta’sir qilmadi. Yangi foydalanuvchilar savol beradilar va javob oladilar – ko‘pchilik holatlarda ular bilan muloqot qilish shakli shu bilan chegaralanadi. Biroq, ijtimoiy tarmoqlardagi do‘stlarimiz ham abonentlar, ham kompaniya to‘qnashgan murakkabliklarni tushuna olganliklari alohida mamnuniyat bag‘ishlaydi – shu kunlarda ular so‘rovlarni qayta ishlab va murojaatlarga tezkorlik bilan javob qaytarib, “Bilayn”ga katta ko‘mak ko‘rsatdilar va ko‘rsatishda davom etmoqdalar.

– Savollarga malakali javob qaytarishga ularning bilimi yetadimi?
– Mutlaqo. Har holda, oxirgi uch hafta ichida ular javoblarda adashish holatlari bo‘lgani yo‘q. Bundan tashqari: ular o‘z tajribalarini kiritadilar – call-markazning har bir operatori ham abonentga telefonning istalgan modelini sozlashni yoki turli kompaniyalar xizmatlari o‘rtasidagi farqni tushuntira olmaydi.

– Agarda oxirgi ikki haftada berilgan savollar reytingi tuzilsa, ulardan asosiysi qaysi biri bo‘ladi?
– Mutlaqo shubhasizki, bu “Nima uchun aloqa sifati pasaymoqda?” Ko‘plar bunda yana qo‘shimcha qiladi: “Yo‘q, men tushunaman, sizlarda ko‘plab yangi abonentlar va tarmoqqa bo‘lgan nagruzka o‘sgan, biroq, bunga bir necha kun bo‘ldi-ku…” Ularga bunda kompaniya mutaxassislari tizimni barqaror holatda ushlab turishga harakat qilayotganligi, tarmoqni kengaytirish esa – kunlar emas, balki hafatalar va, hatto, oylar ichida bo‘ladigan ish ekanligi aytiladi. Ko‘plab foydalanuvchilar uskuna importi, uni rasmiylashtirish, asosiy stansiyalarga mos pozitsiyalarni qidirish, montaj va o‘rnatilgan saytlarni kelishish – tez amalga oshadigan jarayon emasligini tushunadilar va buning uchun ulardan minnatdormiz.

– Ko‘plar call-markaz o‘rniga ijtimoiy tarmoqlar moderatorlariga murojaat etishni afzal ko‘rishi holati sezilmayaptimi?
– Ha, shundaylar ham mavjud. Baxtimizga ijtimoiy tarmoqlardagi faoliyatga call-markaz xodimlari ham jalb etilgan, shuning uchun bu bilan bog‘liq alohida muammolar yuzaga kelmaydi. Bunda biz ko‘pincha aniq savollar bo‘yicha aynan o‘sha call-markazga telefon orqali emas, balki http://0611.beeline.uz chat orqali murojaat etishni maslahat beramiz. Qo‘plar uchun “Bilayn” mijozlariga xizmat ko‘rsatish xizmatida onlayn-maslahtchilarning mavjudligi ko‘ngilli yangilikka aylanmoqda.

– Facebook va “Odnoklassniki” sahifalari bo‘yicha xulosa qilsak, USSD-kodlar ko‘p savollarni keltirib chiqarmoqda.
– Bu aniq. Va bu aynan shu holatki, unda foydalanuvchilar ichidagi do‘stlarimiz bizlarga nisbatan tezroq javob qaytaradilar. 17 iyuldan keyingi ilk kunlarda bir necha kishi hatto eng keng tarqalgan qisqa buyruqlarni birlashtiruvchi fayl yaratib, uni Beeline Uzbekistan FB-sahifasiga joylashtirganlar va bu minglab odamlarga katta yordam berdi.

– Odamlarni qaysi kodlar ko‘proq qiziqtiradi?
– Ko‘plab yangi mijozlar balansini “Bilayn” abonentlariga odatiy bo‘lib qolgan *102# kodidan farqli ravishda *100# buyrug‘i orqali tekshirishini kuzatik. Birinchi kun biz odamlarni ushbu farq haqida xabardor qilishga harakat qildik, biroq keyin o‘z tizimlarimizda analogik kodni yozish oson, degan qarorga keldik. Endilikda kompaniyamiz abonentlari ikkala buyruq orqali hisoblaridagi qoldiqni tekshirishlari mumkin.

Umuman olganda, ijtimoiy tarmoqlardagi so‘rovlarni tahlil qilgan holda, biz eng talabgir USSD-kodlarning unchalik katta bo‘lmagan reytingini tuzdik.

Menyuga kirish uchun yagona buyruq — *111#
Joriy tarif rejasi haqida axborot — *110*05#
So‘rov vaqtiga ulangan xizmatlar to‘g‘risida axborot — *110*09#
“Uch xizmat paketi”ni ulash (GPRS, WAP, MMS) —*110*181#
Internet-trafik qoldig‘ini tekshirish — *103#
Bepul SMS qoldig‘ini tekshirish — *105#
“SMS non-stop” xizmatini yoqtirish — *110*151#
“Antiopredelitel nomera” xizmatini yoqtirish — *110*071#
“Barcha tarmoqda” xizmatini yoqtirish — *110*079#
“Mening musiqam” xizmatini yoqtirish — *110*311#
“O!” tarifiga o‘tish — *110*55#
“Zo‘r-Zo‘r” tarifiga o‘tish — *110*528#
“Sosedi +” tarifiga o‘tish — *110*527#
“Barchasi oddiy!” tarifiga o‘tish — *110*600#
“Menga qo‘ng‘iroq qiling” xizmatini yoqtirish — *145*(mamlakat kodi)( operator kodi)(abonent raqami)#
“Mobil o‘tkazma” xizmati — *150*(99890)(abonent raqami)*(o‘tkazma summasi)#
Barcha kiruvchi SMSlarni taqiqlash — *33*0000*12#
Barcha kiruvchi SMSlarni taqiqlashni bekor qilish — #33*0000#
O‘z raqamini bilib olish *148#

Orphus system