Intel televizorga odamlarni tanishga o‘rgatadi
09.07.2012
Rukn: Texnologiya.
Muallif: .

Intel teletomoshabinlarning jinsi va yoshini bilib olish va televizor ekraniga mos reklamani chiqarishga erishishga intilmoqda. Teletarmoqlar ushbu g‘oyaga katta qiziqish bilan qarayaptilar, chunki korporatsiya yangi texnologiyadan foydalanganligi uchun haq olishga erishishga intilmoqda.

Intel tomoshabinning jinsi va yoshini bilib olishga va televizor ekranida mos reklamani namoyish etishga imkon beruvchi televizor pristavkalarida shaxslarni aniqlash texnologiyasini tatbiq etish haqida teletarmoqlar bilan muzokaralar olib bormoqda, xabar qiladi Reuters.

Intel vakilining fikriga qaraganda, ularning texnologiyalari Amerikaning Nielsen kompaniyasi taqdim etadigan mavjud tahlil vositalari kabi vositalarga nisbatan yanada aniq tahlil natijalarini beradi. Ushbu texnologiya aniq bir foydalanuvchi bilan bog‘liq shaxsiy ma’lumotlarni yozib olmaydi.

Hozirgi kunda kompaniya bir necha operatorlar bilan muzokaralar olib bormoqda, biroq ularning birortasi bilan ham hozircha hech bir kelishuvga erishilgani yo‘q. Muzokaralar bir necha oylardan beri davom etib kelmoqda va ko‘plab kontent provayderlari bilan olib borilmoqda.

Intel ushbu texnologiyadan foydalanganligi uchun doimiy ravishda, ma’lum foizni to‘lashni taklif etmoqda, bu kontent provayderlarini qanoatlantirmaydi, bundan tashqari, texnologiya yangi va sinovdan o‘tkazilmagan. Intel yanada aniq targeting ko‘proq moliyaviy daromad olish imkonini beradi, deb ta’kidlamoqda. Qiyinchiliklarga qaramay, Intel 2012-yilda tijorat bozoriga yangi texnologiyani chiqarishni rejalashtirmoqda.

Intel korporatsiyasi telepristavka uchun Atom CE protsessorini ishlab chiqardi, u Google TV loyihasi bo‘yicha Google hamkori hisoblanadi. Kompaniya «aqlli televideniya»ning shaklanishida faol ishtirok etmoqda, u bir necha bor mazkur yo‘nalishning rivojini namoyish etdi.

Analitiklarning fikriga ko‘ra, shaxslarni tanib olish texnologiyasining yo‘lga qo‘yilishi — bu yangi usul bo‘lib, uning yordamida Intel o‘zining bozordagi holatini yaxshilab olishga intilmoqda. Bundan tashqari, televizion qurilmalar, ayniqsa, Google TV loyihasini muvaffaqiyatliligini oldindan bilish qiyin.

O‘tgan yil oxirida Google rahbari Erik Shmidt (Eric Schmidt) 2012-yil yoz faslida ko‘plab Google TV platformasi asosida yaratilgan televizorlar sotuvda bo‘ladi. Biroq vendorlar shunga muvofiq qurilmalarni ishlab chiqarishga shoshilmayapti, Logitech esa, masalan, Google TV bazasida ishlab chiqarilgan Revue telepristavkasining savdosi omadsizlikka uchrashi bilan mazkur yo‘nalishni rad etdi.

Revue omadsizligining sababi platforma interfeysining noqulayligi bilan bog‘liq. Aslida qurilmadan foydalanish oddiy noutbukni olib, unda telekanallarni ko‘rib chiqishdan ko‘ra murakkabroqdir. Apple o‘zining xususiy televizorini taqdim etishi bilan televideniya bozorida raqobat kuchayishi kutilmoqda.

Manba: www.cnews.ru

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
WhatsAppga qo`shmoq
Odnoklassnikiga yubormoq
VKontakteda bo`lishmoq