“Bilayn” “Avtoto‘lov” xizmatini ishga tushirdi

Yagona aloqa operatori “Bilayn” (Unitel MCHJ va Buzton QK) yangi “Avtoto‘lov” xizmatini ishag tushirmoqda. Endilikda abonentlar eng kerakli paytda hisobda pul tugab qolishi haqida qayg‘urmasliklari mumkin. “Bilayn” har safar balansda $1 dan kam mablag‘ qolganida, uni avtomatik tarzda to‘ldiradi.

“Biz o‘z abonentlarimizga ishonamiz va ular aloqada qolishlari uchun qo‘limizdan kelgan barcha ishlarni qilamiz, – qayd qildi Unitelning Jamoatchilik bilan aloqalar xizmati Katta menejeri Oraz Abdurazakov. – Bunda xizmat muddatsiz amal qilishi uchun faqatgina bir bor bepul tarzda “Avtoto‘lov”ni yoqtirishning o‘zi kifoya”.

“Avtoto‘lov” ning summasi $4 (milliy valyutada bo‘lgan tariflar uchun 8000 so‘m)ni tashkil qiladi va 3 kunga beriladi. Xizmatning bahosi har bir olingan avtoto‘lov uchun $0,10 (so‘mlik tariflar uchun 200 so‘m)ni tashkil qiladi. Xizmatni yoqtirish kodi *141*11#. Batafsil ma’lumot www.beeline.uz saytida.

Manba: Kompaniya matbuot-ma’lumotnomasi

Orphus system