Soha kubogi – TATU jamoasida!

16-18 dekabr kunlari O‘zbekiston aloqa va axborotlashtirish agentligi va Aloqa xodimlari kasaba uyushmasi Markaziy kengashining ko‘chma sovrini uchun futzal bo‘yicha final bosqichi bahslari Toshkent axborot texnologiyalari universiteti sport zalida bo‘lib o‘tdi.

Sohamizning eng kuchli 12 jamoasi uch kun davomida g‘oliblik uchun kurash olib bordilar.

Hal qiluvchi bahsga qadar TATU va “O‘zbektelekom” AKning Toshkent filiali jamoalari yetib kelishdi.

Shiddatli kechgan final o‘yinida asosiy vaqtda kuchlar teng keldi – 2:2. Penaltilar seriyasida esa TATU jamoasiga omad kulib boqdi va ular soha kubogining 2011 yilgi g‘olibiga aylanishdi.

Fotoreportaj:

Uchinchi o‘rindan “Bilayn” va “Telekommunkatsiya transport tarmog‘i” filiali jamoalari joy olishdi.

O‘tgan yilgi chempion — “O‘zbektelekom” AKning Toshkent filiali jamoasi bu yil ikkinchi.

TATU jamoasi sardoriga soha kubogi topshirildi.

G‘olib jamoa.

Musobaqadan tayyorlangan batafsil reportajni “Xabar” gazetasining 2011 yil, 23 dekabr sonida o‘qishingiz mumkin.

Orphus system