Elektromagnit muvofiqligi va ekologiya
25.11.2010
Rukn: Sharh va fikr-mulohazalar.
Muallif: .

Joriy yil 23 noyabr kuni Toshkentda elektromagnit muvofiqligi va elektromagnit ekologiyaning dolzarb masalalariga bag‘ishlangan respublika ilmiy-texnik seminari bo‘lib o‘tdi.

Tadbir O‘zbekiston aloqa va axborotlashtirish agentligi, Radiochastotalar bo‘yicha davlat komissiyasi, “Unicon.uz” markazi va O‘zbekiston radiotexnika, elektronika va aloqa ilmiy-texnik jamiyati tomonidan tashkil etildi.

Seminarda O‘zbekiston aloqa va axborotlashtirish agentligi tizimiga kiruvchi aksiyadorlik kompaniyalari, korxonalar, muassasalar, O‘zbekiston Respublikasi Sog‘liqni saqlash, Mudofaa vazirliklari, Toshkent temir yo‘l muhandislari instituti va boshqa tashkilot hamda idoralar vakillari ishtirok etdi.

aci_25_11_2010_4

Mamlakatimizda elektromagnit muvofiqligi va elektromagnit ekologiyasiga katta e’tibor qaratilmoqda. Qator idora va tashkilotlar bu boradagi vazifalarni nazorat qilish hamda tartibga solish ishlarini amalga oshirmoqda.

O‘zbekiston aloqa va axborotlashtirish agentligi bosh direktorining o‘rinbosari M.Sangilov bugungi kunda axborot texnologiyalari va radioaloqa jadal rivojlanib, barcha sohalar kompyuterlashtirilayotgani, ishlab chiqarish, tibbiyot va kundalik turmushda elektromagnit energiyasidan keng foydalanilayotganini ta’kidladi. Shu bois turli texnik vositalarning bir-biriga xalaqit bermasdan ishlashini ta’minlash, atrof-muhitdagi elektromagnit jarayonining inson salomatligiga zararli ta’sirini kamaytirish bugungi kunning eng muhim vazifalaridan hisoblanadi.

Seminar doirasida elektromagnit muvofiqligi va xavfsizligini ta’minlash, radiochastota spektridan samarali foydalanish, elektromagnit nurlanishning atrof-muhitga ta’siri bo‘yicha tadqiqotlar, radiomonitoring o‘tkazish, axborotni himoya qilish masalalari muhokama etildi.

Orphus system
O'zbеkistonda AKT yangiliklaridan birinchilar qatorida xabardor bo'lish uchun Telegramda infoCOM.UZ kanaliga obuna bo'ling.
Telegramga qo`shmoq
Odnoklassnikiga yubormoq
VKontakteda bo`lishmoq